ایلان ماسک یئرآلتی تونلینی آچدی

هدف، شهرده‌کی ترافیک سیخیشیقلیغین‌دان قورتاراجاق بیر شبکه یاراتماق و تونل‌ده ساعات‌دا ۲۴۰ کیلومتر سرعته چاتماق

elon musk yeralti tuneli1.jpg

تکنولوژی شیرکتی تسلانین یؤنتیم قورولو باشقانی ایلان ماسک، یوکسک سرعتله نقلیات‌دا جیغیر آچماسی گؤزله‌نیله‌ن یئرآلتی تونلینین آچیلیشینی گرچکلشدیردی.

ماسک، آمریکا بیرلشمیش دؤولتلرینین لس آنجلس شهرین‌ده الکتریک‌لی تسلا ایکس آراجینین مودیفیه ائدیلمیش مود‌لی ایله یئنه اؤزونه عاید بورینگ شیرکتینین اینشا ائتدیگی پروتوتیپ یئرآلتی تونلین‌ده سیناق سوروشونو تاماملادی.

یالنیز ۱،۶ کیلومتر اوزونلوغون‌داکی تونل‌ده ائدیلن و ۲ دقیقه داوام ائد‌ن سیناق سوروشونو، قوناقلار و ژورنالیستلر یئرین‌ده ایزله‌مه ایمکانی یاخالادی.

ایچی گؤی-یاشیل نئون ایشیقلارلا ایشیقلان‌دیریلان تونل سوروش اثناسین‌دا ساعات‌دا تخمیناً ۸۰ کیلومتر سرعتله یول آلان ماسک، هدفلرینین شهرده‌کی ترافیک سیخیشیقلیغین‌دان قورتولمایی تامین ائد‌جک بیر شبکه یاراتماق و تونل‌ده ساعات‌دا ۲۴۰ کیلومتر سرعته چاتماق اولدوغونو دئدی.

ایلان ماسک، بیر اوجو ماسکین اسپیس ایکس‌ده‌کی پارک یئرینه چاتان پروتوتیپ تونلین ۱۰ میلیون دلارا مال اولدوغونو بیلدیره‌رک، الکتریک‌لی واسطه‌لر اوچون گله‌جک‌ده اینشا ائتمه‌یی پلانلاشدیردیقلاری یئرآلتی تونل شبکه‌سینین، "یوروجو ماشین ترافیکینه/تیخاجینا" جاواب اولماسینی اومود ائتدیکلرینی ایفاده ائتدی.



ایلگیلی‌لی خبرلر