"سود یولو"نون یانیندا "جیرت‌دان قالاکتیکا" کشف ائدیلدی

آوروپا اوزای آژانسی‌نین (ESA) ، گایا تلسکوپو ایله "سود یولو" قالاکتیکاسینا (کهکشان) یاخین اولان و داها اول وارلیغیندان خبریمیز اولمایان بیر قالاکتیکا گؤروندو.

1090356
"سود یولو"نون یانیندا "جیرت‌دان قالاکتیکا" کشف ائدیلدی

آوروپا اوزای آژانسی‌نین (ESA) ، گایا تلسکوپو ایله "سود یولو" قالاکتیکاسینا (کهکشان) یاخین اولان و داها اول وارلیغیندان خبریمیز اولمایان بیر قالاکتیکا گؤروندو.

Phys.org  اینترنت سایتی‌نین یایدیغی خبره گؤره، آوروپا اوزای آژانسی‌نین "گایا" تلسکوپونون اوپتیک قئیدلرینی تدقیق ائدن اولوسلار آراسی آسترونوم‌لاردان عبارت قروپ "سود یولو" قالاکتیکاسی‌نین دیسک بولودونون آردیندا گیزلنمیش جیرت‌دان قالاکتیکا کشف ائدیب‌لر.

"Antlia 2 (Ant 2)"  آدی وئریلن قالاکتیکانین "سود یولو" قالاکتیکاسی‌نین اوچده بیری بؤیوکلوکده اولماسینا باخمایا‌راق، ایشیک سویه‌سی چوخ آشاغی اولدوغون‌دان بو گونه قدر گؤرولمه‌ییب.

جیرت‌دان قالاکتیکا‌لار کایناتین ارکن یارانما پروسه سینده اورتایا چیخیب‌لار. بو سبب‌دن اولدوزلاری یاش‌لی، آشاغی سیخ‌لیق‌لی و مئتا‌لی اولمایان گؤی جیسیم‌لری کیمی تانینیر.

تدقیقاتا رهبرلیک ائدن Gabriel Torrealba: " بو، بیر قالاکتیکا کابوسودور. "Ant 2" قدر آز ایشیک یایان گؤی جیسیم‌لرینی بو گونه قدر گؤره بیلمیردیک. کشفیمیز گایا گؤستریجی‌لری‌نین کیفیتی سایه‌سینده مومکون اولدو"، - دئدی.

تدقیقاتین نتیجه‌لری دیجیتال مقاله پلاتفورماسی "arXiv.org" ون اینتئرنئت سایتیندا درج اولونوب.



ایلگیلی‌لی خبرلر