نوبل طیب موکافاتینین صاحیبلری بللی اولدو
نوبل کومیتهسیندن ائدیلن آچیقلامادا، علم اینسانلارینین " نگاتیو امنیت و قوروما دوزنلمهلرینی اؤنله'ین سرطان معالیجه اصولونو کشف ائتدیکلری اوچون" موکافاتا لاییق گؤرولدوگو ایفاده ائدیلدی
نوبل طیب موکافاتی، بو ایل سرطان ساحهسیندکی فعالیتی ایله طیب دونیاسینا قاتقیلارا گؤره، آمریکالی جیمز پی. الیسن ایله ژاپون تاسوکو هونژو آراسیندا بؤلوشدورولوب.
نوبل کومیتهسیندن ائدیلن آچیقلامادا، علم اینسانلارینین "نگاتیو امنیت و قوروما دوزنلمهلرینی اؤنله'ین سرطان معالیجه اصولونو کشف ائتدیکلری اوچون" موکافاتا لاییق گؤرولدوگو ایفاده ائدیلدی.
آچیقلامادا، "2018 نوبل موکافاتی صاحبلرینین ائتدیگی کشفلره قدر سرطان معالیجهسی مسئلهسینده محدود بیر کلینیک اولموشدو. ایمنی و قوروما نظارت نقطهسی اولاراق آدلاندیریلان تراپی اوصولو سرطان معالیجهسینده مسیر آچاراق سرطانا اولان باخیشیمیزی فورمامیزی کؤکدن دییشدی." دئییلدی.
هر ایل میلیونلارلا اینسانین اؤلومونه یول آچان سرطانین، بشریتین ان بؤیوک پروبلملریندن بیری اولدوغونا دقت چکیلن آچیقلامادا، "بو ایلین نوبل طیب موکافاتینین قالیبلری ایمنی و قوروما سیستمیمیزین سرطان خستهلیکلی حوجیرهلرله ساواش قابیلیتینی خبردارلیق ائدهرک سرطان معالیجهسینده یئنی بیر پرینسیپ اورتایا قویدو." قیمتلندیرمهسینده آپاریلیب.
1942-جی ایلده ژاپونیانین کیوتو شهرینده آنادان اولان تاسوکو هونژو، 1992ده ایمنی و قوروما حوجیرهلرینده PD-1 آدینی وئردیگی بیر پروتئین'ین بیر نوع تورموز ایشینی گؤردوگونو کشف ائتدی. سؤزقونوسو کشفده حرکتله باغلی زولالی یاتیراراق آزاد حوجیرهلرینی سرطان خستهلیکلی حوجیرهلره قارشی حرکته کئچیرمهیه ایستیقامتلی معالیجهلر اینکیشاف ائتدیریلدی.
1948-جی ایلده آمریکانین هیوستون شهرینده آنادان اولان جیمز پی. الیسن ایسه ایمنی و قوروما حوجیرهلرینین ایشلمهسینه انگلله'ین CTLA-4 آدلی باشقا بیر پروتئین وارلیغینی کشف ائدهرک، ایمنی و قوروما سیستمینی سرطان حوجیرهلری ایله ساواشمایا سؤوق ائدهجک تراپی اصوللاری اینکیشاف ائتدیریلمهسینین یولونو آچدی.
1901دن بو یانا وئریلن نوبل طیب موکافاتینا بو گونه قدر 211 علم اینسانی لاییق گؤرولوب. موکافات، 39 دفعه تک شخصه وئریلرکن، 32 موکافات 2 نفر، 36 موکافات ده 3 نفر شخص آراسیندا بؤلوشدورولوب.
32 یاشلی فردریک گی. بانتینگ، نوبل طیب موکافاتینی آلان ان گنج علم آدامی اولدو. انسولینی کشف ائدن بانتینگ، موکافاتا 1923-جی ایلده لاییق گؤرولموشدو. 1966-جی ایلده " تومورا سبب اولان ویروسلاری" تاپاراق نوبل طیب موکافاتینی آلان 87 یاشلی پیتون رووس ایسه موکافاتی آلان ان یاشلی علم آدامی اولاراق تاریخه کئچدی.
نوبل طیب موکافاتینی الده ائدنلره پول موکافاتینین یاناشی، سوئدلی هیکلتراش و قراوورچو اریک لیندبرگ طرفیندن حاضیرلانان میدال دا تقدیم ائدیلیر. میدالدا قوجاغیندا آچیق بیر کیتاب توتان بیر قادین و یانیندا سو وئردیگی قیز اوشاغینین اولدوغو بیر قاباریق گؤستریر.
میدالا وئرگیلییوس-ون آئنید آدلی اثریندن بیر آلینتی، " Inventas vitam juvat excoluisse per artes " ایفادهلری یئر آلیر. ایفاده لاتینجادا، "یئنی ایختیراعلار، صنعتله گؤزللشن حیاتی داها دا زنگین ائدر" معناسینا گلیر.