۹۹ میلیون ایللیک ایلان بالاسی

میانماردا ۹۹ میلیون ایل اؤنجه‌یه عاید ایلان بالاسی فسیلی تاپیلدی.

اینگیلیس یایین اورگانی بی‌بی‌سی‌ده یئر آلان خبرده، فسیلین سون درجه نادیر اولدوغو و اوزرینی اؤرته‌ن آغاج صمغی کهربا سایه‌سین‌ده قوروندوغو بیلدیریلدی.

کاناداداکی آلبرتا اونیورسیته‌سین‌دن پروفسور مایکل کالدول، ۹۹ میلیون اوله عاید فسیلین بو آنا قدر تاپیلان ان قدیم ایلان بالاسی فسیلی اولدوغونو و کرتاسه دؤورون‌ده میانما اورمان‌لارین‌دا یاشادیغینی ایفاده ائتدی.

کالدول، شفق ایلانی نؤوعونه عاید اولدوغو آنلاشیلان فسیلین، قورویوجو اؤزللیگه صاحب آغاج اؤزو کهربا ایله اؤرتولموش شکیل‌ده تاپیلدیغینی بیلدیردی.

فسیلین اوزرین‌ده‌کی بیتکی و بؤجک پارچالارینین، ایلانین اورماندا یاشادیغینا ایشاره ائتدیگی قید اولوندو.