تورکیه هاوا ساوونماسینی گوجلندیریر
تورکیهنین آشامالی هاوا و موشک ساوونما قابیلیتینین یورد ایچی ایمکانلارین ماکسیموم سویهده ایستیفاده ائدیلهرک گلیشدیرمهسینه یؤنهلیک تلاشلار بوتون سرعتیله داوام ائدیر
تورکیه، هاوا ساوونما احتیاجینی قارشیلاماق مقصدیله چوخ آشامالی ایش یئریدیر.
تورکیهنین هاوا و موشک ساوونما یول پلانی ایشلری ایستیقامتینده، اؤلکهنین آشامالی هاوا و موشک ساوونما قابیلیتینین یورد ایچی ایمکانلارین ماکسیموم سویهده ایستیفاده ائدیلهرک گلیشدیرمهسینه یؤنهلن پروژه مودئللری یارادیلیر. یورد ایچی گلیشدیرمک مودئلی چرچیوهسینده، تورک فیرمالاری اؤنجولوغونده، گرکلی اولذوغوزاماندا یورد دیشی فیرما، موسسیسه و تشکیلاتلاردان احتیاج دویولان ساحهلرده تکنیکی دستک آلیناراق ایشلر آپاریلیر.
بونون یانیندا، دیزاین و گلیشدیرمه فعالیتلری تاماملانان پروژهلرده یان صنایع و کیچیک و اورتا بوی شیرکتلرین فعال رول آلاجاغی سری اورهتیم دؤورونه یؤنهلیک پلانلاشدیرما فعالیتلری حیاتا کئچیریلیر. بو مقصدله باشدا آسئلسان و موشکلر اولماق اوچون دیگر ساوونما صنایعسی فیرمالارینین دا موجود ایمکان و قابیلیتلری ایستیفاده ائدهرک هم یاتیریم تکرارلاری قارشیسی آلینیر، هم ده خاریجده رقابت ائده بیلمک مقصدیله سکتورونون داواملیلیغی تامین اولونور.
هاوا ساوونماسینا یؤنهلیک ان اؤنملی ایستراتژیک مقصدلردن بیرینی، "هاوا ساوونما سکتورونا یؤنهلیک یورد ایچی ایمکان و باجاریقلار ایستیفاده ائدیلهرک تورکیهنین آشامالی هاوا ساوونماسینه خیدمت ائدهجک پروژهلرین حیاتا کئچیریلمهسی" تشکیل ائدیر.
بو ایستراتژی ایستیقامتینده، ناتو آلت ایشچی قروپلاری و اؤلکهلر آراسی ساوونما صنایعسی ایش بیرلیگی ایشی کیمی فعالیتلره قاتیلاراق هاوا ساوونما سیستملرینین گلیشدیرمهسی و اورهتیمینه دایر دونیادا تطبیق اولونان اصوللار یاخیندان تعقیب ائدیلیر.
گؤک توغ پروژهسی چرچیوهسینده اورتایا چیخان سیستملرین یورد ایچی و ایخراجات واریانتلارینا دایر طلبلر نظره آلینماقلا 40 کیلومتر اوستو گئدیش مسافهسینه چیخاریلماسینا یؤنهلیک ایشلر آپاریلیر.
گؤکتوغ پروژهسی چرچیوهسینده گلیشدیریلهجک هاوا-هاوا موشکینین حیصارچرچیوهسینده گلیشدیریلن یئر سیستملریندن ایستیفاده ائدیلمهسی مقصدی گودولور.
همچینین کورکوت پروژهسی چرچیوهسینده گلیشدیریلن سیستمین دنیز پلاتفورمونا اینتقراسیونونا یؤنهلیک تستلر باشا چاتاجاق. بئلهلیکله، دنیز گوجلری قوموتانلیغینین سیستم ایحتیاجینین یورد ایچیندن قارشیلاناجاغی تامین اولوناجاق.
حیصاردا اوغورلو تستلره داوام
ساوونما صنایعسی موستشارلیغینین کووردیناسیونوندا آسئلسان(ASELSAN) و روکتسان(ROKETSAN) ایش بیرلیگینده گلیشدیریلن حیصار هاوا ساوونما موشکلرینین تست آتیشلاری اوغورلا حیاتا کئچیریلیب.
تست آتیشلاری آپاریلان آلچاق یوکسکلیک (حیصار-A/15 کیلومتر) و اورتا یوکسکلیک (حیصار-O/25 کیلومتر) هاوا ساوونما موشکلری، نیظامی پایگاه، لیمان، موسسیسه و بیرلیکلرین هاوا تهدیدلریندن قورونماسی مقصدیله ثابت و هلیکوپترلر، ناویقاسیون موشکلرینه، هاوادان قارایا آتیلان موشکلره و اینسانسیز هاوا واسطهلرینه قارشی گلیشدیریلیب.
حیصار- A 2020، حیصار-Oونون 2021-جی ایلده ایستیفادهیه وئریلمهسی گؤزلنیلیر.
کورکوت دنیزده ده قورویاجاق
قارا گوجلری قوموتانلیغینا تسلیم ائدیلمهیه باشلانان کورکوت سیستمی، ساواش گمیلرینین موشکلره قارشی قورونماسیندا دا ایستیفاده ائدیلهجک.
بو مقصدله قارشی پروتوتیپ اولاراق چیخاریلان کورکوت-د تیپی، دنیز گوجلری قوموتانلیغینین دستکلری تحصیل گمیسی TCG S.محمت پاشایا اینتقراسیون ائدیلیب. سیستمله کئچیریلن تستلر، کورکوت-د،نین گمیلری موشکلره قارشی قورومادا ایستیفاده ائدیله بیلهجگینی اورتایا قویدو.
ائدیلن آتشلی تست زامانی کورکوت-د آشکار، تعقیب و آتش آلتینا آلماغی ایچهرن بوتون فونکسیونلاری اوپراتور موداخیلهسی اولمادان اوتوماتیک اولاراق یئرینه یئتیردی و موشک سالدیریسی شکلینده یوکسک سرعتله نیظامی-دنیزدن یاخینلاشان هدفی آتش آلتینا آلاراق مهو ائدیب.
اوزون منزیل ایستراتژیسی
تورکیه اوزون منزیللی هاوا و موشک ساوونما احتیاجینی ایسه یاخین زاماندا روسیادان آلاجاغی اس-400 موشکلری قارشیلایاجاق.
اورتا مدتده دیگر اؤلکهلرله بیرگه گلیشدیریلهجک سیستملره یؤنهلهجک اولان تورکیه، آسئلسان، روکتسان و یوروسان اورتاقلیغیندا SAMP-T هاوا ساوونما سیستمیندن داها گلیشمیش بیر سیستم اوزرینده آنلاییش تعیین ائتمه ایشینی آپاریر.
اوزون زماندا ایسه تامامیله یئرلی اوزون منزیللی هاوا و موشک ساوونما سیستمینه مالیک اولماسی مقصدی گودولور.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی