سلاح صادراتی آرتدی
"تحریملره باخمایاراق سلاح صادراتیمیز ۲۰۱۷ده ۲۰۱۶ ایلینه نیسبتا یوزده ۲،۳ آرتاراق ۱۳،۴ میلیارد دلارا چاتدی"
روس دؤولت ساوونما صنایعی شیرکتی روستخین اوست یؤنتیجیسی سئرگئی چئمئزوو، روسیانین سلاح صادراتینین، تحریملره باخمایاراق، ۲۰۱۷.جی ایلی ۲۰۱۶ ایلینه نیسبتا یوزده ۲،۳ آرتاراق ۱۳،۴ میلیارد دلارا چاتدیغینی دئدی.
چئمئزوو، روسیا دؤولت باشکقانی ولادیمیر پوتینیله سوچیده حیاتا گئچیردیگی گؤروشمهده، روستخین دقیق قازانجینین ۲۰۱۷.جی ایلی ۲۰۱۶ ایلینه نیسبتا یوزده ۳۸ آرتاراق ۱۲۱ میلیارد روبلا (تخمیناً ۲ میلیارد دلار) چیخدیغینی بیلدیردی.
روستخین، ۱۱ی ساوونما صنایعینده اولماق اوزره ۱۵ هولدینگ و بو هولدینگلرین نزدیندهکی توپلام ۷۰۰ فیرمایلا فعالیتلرینی یوروتمهیه داوام ائتدیگینی بیلدیرهن چئمئزوو،
"روستخین بازار قیمتی ده سون ۱۰ ایلده اوچه قاتلاناراق ۳ تریلیون روبلو (تخمیناً ۴۹ میلیارد دلار) گئچدی" دئدی.
چئمئزوو، شیرکتین سلاح صادراتیندا دا آرتیش قید ائدیلدیگینه ایشاره ائدرک،
"تحریملره باخمایاراق سلاح صادراتیمیز ۲۰۱۷ده ۲۰۱۶ ایلینه نیسبتا یوزده ۲،۳ آرتاراق ۱۳،۴ میلیارد دلارا چاتدی. حربی-تکنیکی ساحهدهکی دیگر ایش بیرلیکلرینی ده آلساق صادرات حجمیمیز ۱۵ میلیارد دلاری کئچدی" دئیه دانیشدی.
استکهلم اولوسلارآراسی باریش آراشدیرمالاری انستیتوتونون یاییملانان راپورونا گؤره، دونیا سلاح صادراتینین توپلام یوزده ۲۰سینی حیاتا گئچیرهن روسییا، ۲۰۱۷.جی ایلده آمریکادان سونرا دونیانین ان بؤیوک ایکینجی سلاح صادراتچیسی اولدو.
ایلگیلیلی خبرلر
هیندیستان بالیستیک موشک سینادی
هیندیستان ساوونما باخانلیغی، کریستال میز-۲نین سیناق آتیشینین باشارییلا ایجرا ائدیلدیگینی بیلدیردی