دی‌ان‌ای کدلاری دییشدی
آمریکالی آسترونوت، اوزایا گئتمه‌دن قاباقکی سکات کلی ایله ژنتیک اولاراق عینی اینسان دئییل
آمریکالی آسترونوت سکات کلی اوزایدا گئچیردیگی بیر ایل سونرا دونیایا قاییتدی.
آمریکا هاواچیلیق و اوزای دایره‌سینین (ناسا) آپاردیغی سون آراشدیرمایا گؤره، اوزایدا بیر ایل گئچیرمک ساده‌جه، آسترونوتلارین گؤرونوشونو دئییل، دی‌ان‌ای‌لرینی ده دییشدیریر.
اوزایدا بیر ایل گئچیرن آمریکالی آسترونوت کلی و تک یومورتا اکیزینین دی‌ان‌ای‌لری قارشیلاشدیریلدی و قارداشلارین آرتیق ژنتیک اولاراق بیر بیریلرینین ائشی اولمادیغی گؤرولدو.
تستلر کلینین ژنلرینین یوزده ۷سینین اوزای وظیفه‌سی سیراسین‌دا دییشیک‌لیک گؤستردیگینی اورتایا قویدو.
یعنی آمریکالی آسترونوت، اوزایا گئتمه‌دن قاباقکی سکات کلی ایله ژنتیک اولاراق عینی اینسان دئییل.
دییشن دی‌ان‌ای قورولوشونا اوزای ژنلری آدینی وئره‌ن آراشدیرما‌چیلار، آسترونوتون بیر چوخ بیولوژیک خصوصیتینین ائتکیلندیگینی اورتایا چیخاردی.
آسترونوتون متابولیزمی، ایممون سیستمی و حجره قورولوشونون اوزای سفری ایله دییشدیگی ایفاده ائدیلیر.
حجره‌لرینین کیفایت قدر اکسیژن آلابیلمه‌دیگی، باغیشیقلیق سیستمینین ایسه حدین‌دن آرتیق چالیشدیغی بیلدیریلیر.
دییشیک‌لییه اوزای‌داکی کوسمیک رادیاسیونون یانی سیرا، اوزای سفرینین گتیردیگی استر‌سین سبب اولدوغو تخمین ائدیلیر.
ایلگیلی‌لی خبرلر
حۆرجت اوچوشا حاضیر
تورک ساوونما صنایعی اولاراق جمهوریتیمیزین ۱۰۰.جو ایلینده چالیشمالاریمیز تام سرعتله داوام ائدیر
کیچیک گزه‌گن یئرین چوخ یاخینیندان گئچه‌جک
کیچیک گزه‌گن، ایندییه قدر ثبت ائدیلن ان یاخین قارشیلاشمالاردان بیرینده یئرین یاخینیندان گئچه‌جک
