لابراتوردا اینسان یومورتالاری گلیشدیریلدی
آراشدیرماچیلار، قادینلاردان آلینان یومورتا حجره‌لرینی، ایلک دفعه یومورتالیغین دیشیندا گلیشدیردی
بیلیم اینسانلاری، اینسان یومورتالارینی ایلک دفعه لابراتور اورتامیندا گلیشدیردی.
اسکاتلند ادینبورگ اونیورسیته‌سی آراشدیرماچیلاری، قادینلاردان آلینان یومورتا حجره‌لرینی، ایلک دفعه یومورتالیغین دیشیندا گلیشدیردی.
آراشدیرما پروسه‌سین‌ده قادینلاردان اولغونلاشمامیش یومورتا حجره‌لری آلان آراشدیرماچیلار، بو حجره‌لر اوچون لابراتوردا اکسیژن سویه‌سی، هورمونلار و پروتئینلر آچیسیندان اینسان بد‌نینه بنزر بیر شرایط یاراتدی.
آراشدیرماچیلار، حجره‌لرین بو شرایط‌ده دؤللنمه مرحله‌سینه گلنه قدر بؤیودویونو گؤزلمله‌دی.
ایللرله داوام ائد‌ن آراشدیرما، بیلیم اینسانلارینین انسان یومورتاسینین نئجه گلیشدیگینی آنلاماسینا دا یاردیم‌چی اولدو.
یومورتانین اینکیشاف پروسه‌سی، داها اول اطراف‌لی شکیل‌ده گؤزلنمه‌میشدی.
لابراتور شرایطین‌ده گلیشدیریلن یومورتالارین یوزده ۱۰ونون دؤللنه‌جک اولغونلوغا چاتدیغینا ایشاره ائد‌ن آراشدیرماچیلار، آنجاق چالیشمادا یومورتالارین دؤللنمه‌دیگینی، بونون فرق‌لی بیر آراشدیرماین قونوسو اولاجاغینی بیلدیردی.
آراشدیرماچیلار، یؤنتمین، سرطان معالیجه‌سی گؤر‌ن قیز اوشاقلارینین دوغورقانلیغینی قوروماق اوچون ایستیفاده ائدیله‌بیله‌جگینی وورغولادی.
سرطان معالیجه‌سین‌ده ایستیفاده ائدیله‌ن رادیوتراپی و کئموتراپی، بعضی حاللاردا قیز اوشاقلارین‌دا قیسیرلیغا یول آچابیلیر.
