تورکیه اؤز ملی ساواش اوچاغینی اوره‌ته‌جک
میلی ساواش اوچاغی تی‌اف-ایکس، ۲۰۲۳ ایلینده هاوالاناجاق
میلی ساوونما باخانی نورالدین جانیکلی، میلی ساواش اوچاغی تی‌اف-ایکس‌ین ۲۰۲۳ ایلینده هاوالاندیریلماسینین هدفلندیگینی بیلدیردی.
جانیکلی، باشباخان بینعلی ییلدیریم ایله اولدوغو اینگیلتره‌نین باشکندی لندن‌ده ژورنالیستلرین سواللارینی جاوابلاندیردی.
میلی اوچاغین تورکیه اوچون اؤنم‌لی بیر پروژه اولدوغونو بیلدیره‌ن جانیکلی،
"اولابیله‌جک ان قیسا زامان ایچری‌سین‌ده بوتون مرحله‌لرینی حیاتا گئچیرجییک. هئچ بیر گئجیکمه اولمایاجاق. تاریخ وئرمه‌ییم اما حاضردا اساس هدفیمیز ۲۰۲۳ده هاوالاندیرماق" دئدی.
پروژه‌نین اساس اعتباریله تورکیه‌نین احتیاجی اولاراق اورتایا چیخدیغینی ایفاده ائد‌ن جانیکلی، بیر چوخ اؤلکه‌دن تکنولوژی ترانسفری معناسین‌دا دستک آلیندیغینی، اینگیلتره‌نین ده بو چرچیوه‌ده پروژه‌یه داخیل اولدوغونو دئدی.
اس-۴۰۰ موشک سیستمینین ده تورکیه‌یه ۲۰۱۹دا گله‌جیینی بیلدیره‌ن جانیکلی،
"سورون یوخ. او ایش بیتدی. سایین پرزیدنتیمیز ده سؤیله‌دی. ایستیفاده‌یه دایر بوتون کنترل بیزده اولاجاق. دوست دوشما‌ن تانیما سیستمی ده دییش‌دیریله‌جک. بو سبب ایله ناتو عنصورلاری اوچون هر هانسی بیر تهلوکه یاراتمیر. ناتو ایله انتگره دئییل، اما تهدید تشکیل ائتمیر" دئیه دانیشدی.
