بیلیمده دئوریم
تاریخده ایلک دفعه اولاراق اینسان ژنلری اوغورلا دییشدیریلدی
بیلیم آداملاری ایلک دفعه انسان جنینینین ژنلرینی دییشدیررک کؤرپهنین بؤیودویونده گئچیرمهسی محتمل اؤلومجول خستهلیکلری انگللهدی.
بیلیم درگیسی نیچردا یاییملانان آراشدیرما آمریکانین اورگون اونیورسیتهسینده آمریکالی، چینلی وگونئی کرهلی حکیملر طرفیندن یئریدیلدی.
بیر اینسان امبریوسونون گلهجکده آنی اؤلوموه سبب اولان و چوخ گؤرولن بیر اورک خستهلیگینه سبب اولان ژنلره صاحب اولدوغو تثبیت ائدیلدی.
تاریخده ایلک دفعه اولاراق اینسان ژنلری اوغورلا دییشدیریلدی.
اورک خستهلیگینه سبب اولان موتاسیون ریسکینی آرادان قالدیرماق اوچون "خطالی ژنلر" قالدیریلدی.
آیریجا بو ایشلم ائدیلیرکن، دیانایدهکی دیگر ژنلر ده ضرر گؤرمهدی.
آراشدیرما بیلیمده بیر ایرلیلهییش ساییلیر.
اینسان امبریوسونون لابوراتور اورتامیندا ژنتیک مهندیسلییه تابع توتولماسیلا، آنا و آتادان قالیتسال یوللا "پیس ژنلره" میراث آلان کؤرپهلر داها دوغولمادان و خستهلیک اولمادان یاخشیلاشابیلر.
ژنتیک مهندسلیک اینسانلارا تطبیق اولوندوقدا ائتیک تنقید و قورخولاری دا اؤزو ایله گتیریر.
چونکو خستهلیکلرین اورتادان قالدیریلدیریلماسینین بانی سیرا، مثلا، داها عاغیللی و یا داها خوش فرم فردلر اولاراق بؤیویهجک کؤرپهلر ده "تاسارلانابیلهجک".
حتی کؤرپهنین "ساریشین و یا قاراشین اولماسی" دا سئچیلهبیلهجک.
بونا گؤره، ان سون آراشدیرما آپاران بیلیم آداملاری بو تکنیکین یالنیز جدی ساغلیق پروبلئملرینین آرادان قالدیریلماسی اوچون ایستیفاده ائدیلمهسینی تکلیف ائدیرلر.