"نتیجه‌لری چوخ دا یاخشی اولمامیشدی"
هاوکینگ، اینسان‌لیغی، گلیشمیش مدنیت‌لره منسوب اوزایی‌لارلا ارتباطا گئچمه‌نین یارادابیله‌جیی اولاسی تهلوکه‌لره قارشی بیر دفعه داها اویاردی
اینگیلیس بیلیم اینسانی استیون هاوکینگ، اینسان‌لیغی، گلیشمیش مدنیت‌لره منسوب اوزایی‌لارلا ارتباطا گئچمه‌نین یارادابیله‌جیی اولاسی تهلوکه‌لره قارشی بیر دفعه داها اویاردی.
هاوکینگ، "استیون هاوکینگز فیوورت پلیسز" آدلی بیر مستند فیلمده، اینسانلیغین اؤزون‌دن اوستون حیات فورملارییلا قارشیلاشماسی‌نین کریستوف کولومبون آمریکا یئرلیلریله قارشیلاشماسینا بنزه‌یه‌جگینی سؤیله‌رک، "نتیجه‌لری چوخ دا یاخشی اولمامیشدی" دئدی.
آستروفیزیکچی، ارتباطا گئچیله‌جک یادپلانئت‌لی‌لرین، گئری قالمیش گالاکسی‌لرده اولان قایناق‌لاری یاغمالاماق کیمی پیس عمل‌لری اولان گلیشمیش حیات فورما‌لاری اولابیله‌جیی یولون‌داکی، داها اؤنجه ائتمیش اولدوغو اویاری‌لارینی تکرارلادی.
هاوکینگ داها اؤنجه ده حیات فورم‌لاری‌نین اولابیله‌جیینی ایفاده ائتدیگی گلیس832سی گزه‌گنینه ایشاره ائده‌رک؛
"بیر گون بئله بیر گزه‌گن‌دن بیر سیرا سیگنال‌لار آلابیلریک، آنجاق جاواب وئررکن دقتلی اولمالیییق" دئدی.
بعضی آستروفیزیکچی‌لره گؤره اوستون حیات فورم‌لاری‌نین، عصرلردن بری اوزایا رادیو و تلویزیون سیگنال‌لاری یایان دونیانی گؤزدن قاچیرماسی کیمی بیر احتیمال یوخ‌دور.
بو فیکیردکی بیلیم اینسانلاری، کایناتدا اینسان‌لار خاریجینده جان‌لی‌لار وارسا دا بون‌لارین اینسان‌دان داها گلیشمیش اولمادیغینی دوشونور.
بعضی بیلیم اینسانلاری ایسه بوتون کایناتدا اینسان خاریجینده بیر حیات فورماسی‌نین اولمادیغی گؤروشونده.
