آمازون‌دا یئنی بیر کشف
قارین و دؤش بؤلگه‌سینی بوروین دری تامامیله شفاف؛ بو سببله اوریی آچیقجا گؤرولور
بیلیم اینسانلاری اکواتورداکی آمازون اورمانلاریندا 2013 و 2016 ایللری آراسیندا ائدیلن بیر سیرا ساحه آراشدیرماسی نتیجه‌سینده یئنی بیر قورباغا نؤوعونون کشف ائدیلدیگینی بیلدیردی.
'جام قورباغا' اولا‌راق بیلینن نؤوعه منسوب اولدوغو آچیق‌لانان قورباغایا 'هیالینوباتراچیوم یاکو' آدی وئریلدی.
بو قورباغا باشی‌نین آرخاسیندا اولان توخ یاشیل نقطه‌لرله دیگر آلت نؤوعلردن آییرد ائدیلیر.
اورمه‌لری ده فرق‌لی اؤزللیک‌لر گؤسترن و بویو ایکی سانتیمتری گئچمه‌ین قورباغانی بیلیم آدام‌لاری اوچون اصل ماراق‌لی ائدن ایسه سایداملیغی/شفاف‌لیغی.
ایچ اورقان‌لاری گؤرونن یاری شفاف دری‌لی جام قورباغا‌لاردان فرق‌لی اولا‌راق، بو آلت نؤوعون قارین و دؤش بؤلگه‌سینی بوروین دری تامامیله شفاف؛ بو سببله اوریی آچیقجا گؤرولور.
اکواتورداکی سان فرانسیسکو ده کویتو اونیورسیته‌سینده بو قورباغانی تانیدان پروفسور یوان گوایاسامین، همیشه قورباغا‌لارلا چالیشدیغینی آنجاق بو نؤوعون ایندییه قدر گؤردوک‌لری‌نین ان گؤزه‌لی اولدوغونو سؤیله‌دی.
یئنی کشف ائدیلن قورباغانین، نسلی‌نین ایندی‌دن توکنمه تهلوکه‌سیله قارشی قارشییا اولدوغونو ایفاده ائتدی.
