تورکیه دونیادا ایلک سیرادا
"تورک بیلیم اینسانلاری، هم اولوسلارآراسی درنک‌لرین، کنگره‌لرین یؤنه‌تیملرینده یئر آلا‌راق هم ده علمی پلاتفورملاردا اؤزونو گؤستریر"
تورکیه جان‌لی‌دان قاراجییر نقلینده دونیادا ایلک سیرادا.
چئک‌ین باشکندی پراگدا تشکیل ائدیلن دونیا قاراجییر ترانسپلانتاسیونو کنگره‌سینده پایلاشیلان رقم‌لره گؤره، تورکیه‌ده، گئچن ایل مین 391 نقل گرچکلشدیریلدی و بونون مین اوچو جان‌لی‌دان ائدیلدی.
اولوسلارآراسی قاراجییر ترانسپلانتاسیون درنگی یؤنه‌تیم قورولو عضوو پروفسور دکتر یامان توکات، آنادولو آژانسینا آچیقلاماسیندا، کنگره‌ده آمریکا، ایتالیا، ایسپانیا، فرانسا، مکزیک، هیندیستان، چین، آلمانیا و گونئی کره‌نین ده آرا‌لاریندا اولدوغو چوخ ساییدا اؤلکه‌دن متخصصین ایشتیراک ائتدیگینی بیلدیردی.
دونیانین ان بؤیوک قاراجییر نقلی کنگره‌سینده، تورکیه‌نین گئنیش بیر ایشتیراکلا یئر آلماسی‌نین اؤنمینه توخونان توکات، قاراجییر نقلینده تورکیه و هیندیستانین چوخ اؤنم‌لی ایکی اؤلکه اولدوغونا دقت چئکدی.
توکات،
"بو ایکی اؤلکه دونیادا قاراجییر نقلی ساییسیندا ان یوکسک نیسبته صاحب. تجروبه اولا‌راق دا بو ایکی اؤلکه ایلک سیرادا. بو باخیم‌دان دا کونگره‌ده‌کی وارلیغیمیز چوخ اؤنم‌لی" دئدی.
دونیادا تورکیه‌نین بو ساحه‌دکی باشاریسی‌نین قاریشیق‌لیق یاراتدیغینی ایفاده ائدن یامان توکات،
"دونیا، قبول ائتمکده چتین‌لیک چئکیر. تورک بیلیم اینسانلاری، هم اولوسلارآراسی درنک‌لرین، کنگره‌لرین یؤنه‌تیملرینده یئر آلا‌راق هم ده علمی پلاتفورملاردا اؤزونو گؤستریر" دئیه دانیشدی.
توکات، تورکیه‌ده، قاراجییر نقلی عملیات‌لاری‌نین دونیا ایله عینی واختدا اولا‌راق باشلادیغینا دقت چئکه‌رک،
"تورکیه، بو ساحه‌ده، دونیا‌دان بیر شئی اؤیرنمه‌دی، تقلید ائتمه‌دی، اونلارلا بیرلیکده گئتدی. ایندی ایسه اونلار بیزدن اؤیرنیرلر. طب توپلوموندا بلکه ایلک دفعه بیز خاریجی‌لردن اؤیرنمه‌دیک چونکو قاراجییر نقل نسبتی تورکیه‌ده یوکسک" دئیه دانیشدی.
