اس-400 آلیمیندا سون آشاما

فیکری ایشیق تورکیه‌نین سون هدفی‌نین ایسه اؤز اوزون منزیل‌لی هاوا ساوونما و موشک سیستمینی گلیشدیرمک اولدوغونو و بو قونوداکی چالیشمالارین دا باشلادیلمیش اولدوغونو سؤیله‌دی

اس-400 آلیمیندا سون آشاما

میلی ساوونما باخانی فیکری ایشیق، روسیا‌دان اس-400 ساوونما سیستمی آلیشی ایشلرینده سونا گلیندیگینی ایفاده ائده‌رک؛

"آنجاق هله ده هر ایکی اؤلکه طرفین‌دن یئریدیلمه‌سی لازیم اولان پروسه‌لر وار" دئدی.

فیکری ایشیق، آنکارادا ژورنالیست‌لرین سوال‌لارینی جاوابلادی.

ایشیق؛

"تورکیه‌نین بیر موشک ساوونما سیستمینه احتیاجی اولدوغو آچیق. اما ناتو عضوو اؤلکه‌لر تورکیه‌یه مالیت ائتکین(مقرون به صرفه) بیر تکلیف سونمادی، تکنولوژی ترانسفری و اورتاق اوره‌تیمی ده قبول ائتمه‌دی‌لر" دئیه‌رک، روس بازارینا یؤنه‌لمه‌‌نین سبب‌لرینی ایضاح ائتدی.

روس اس-400دلرین ناتو سیستمینه اینتگره ائدیله‌ممه‌یه‌جگی بیلدیک‌لرینی ایفاده ائدن باخان ایشیق؛

"ناتودان بیر طلبیمیز یوخ‌دور. اما ناتو دا بو قونودا آنلاییش‌لی اولماق دوروموندا. یعنی سیز هم تکنولوژی پایلاشمایاجاقسینیز، ثمره‌لی تکلیف‌لر اورتایا قویمایاجاقسینیز. اؤته یاندان ناتو دیشین‌دان آلابیلمزسینیز دئمه شانسینیز یوخ‌دور" دئدی.

فیکری ایشیق تورکیه‌نین سون هدفی‌نین ایسه اؤز اوزون منزیل‌لی هاوا ساوونما و موشک سیستمینی گلیشدیرمک اولدوغونو و بو قونوداکی چالیشمالارین دا باشلادیلمیش اولدوغونو سؤیله‌دی.


اتیکتلر: اس 400 , موشک

ایلگیلی‌لی خبرلر