وب سایت لار آرتیق داها سرعتلی ایشله‌یه‌جک

"گوگل"ون یئنی کدلاشدیریجی‌سی واسطه‌سیله JPEG فایل‌لار آرتیق 35% داها کیچیک اؤلچولو اولا‌جاق. اؤلچو باخیمین‌دان داها کیچیک JPEG -لر ده عینی زاماندا داها سرعت‌لی وب سایت‌لار دئمک‌دیر.

سرعت، اینترنت-ده ان واجیب فاکتورلاردان بیری‌دیر. بیر قایدا اولا‌راق هامییا معلوم‌دور کی، اینترنت‌دکی فایلین، صحیفه‌نین، ویدئونون اؤلچوسو نه قدر کیچیک اولارسا سرعت ده بیر او قدر یوکسک اولا‌جاق. "گوگل" بو پرینسیپی اساس گؤتوره‌رک یئنی آچیق منبع‌لی JPEG کدلاییجی حاضرلاییب. بو کدلاشدیرما واسطه‌سیله JPEG فایل‌لارین گؤرونتو کیفیتی قورونماقلا، اؤلچولری کیچیلدیله‌جک و بونونلا دا صحیفه‌لر داها سرعت‌لی یوک‌لنه‌جک.

"گوگل" بو یئنی اصولا سوئیس-ده ایستیفاده اولونان آلمان دیلین‌دن ترجومه‌ده "cookie"  (چرز) معناسینی وئرن، "Guetzli"  آدینی وئریب. "گوگل"ون دئدیگینه گؤره بو یئنی اصول، یوکسک کیفیت‌لی JPEG فایل‌لاری، موجود کدلاشدیرمایلا موقاییسه‌ده 35% داها کیچیک اؤلچولرله یوکله‌یه بیلر. Guetzli اوصولونون داها بیر اوستون جهتی ایسه، حال حاضردا موجود اولان بوتون وب تارایجی لارا و تطبیق ائتمه لره اویغون اولماسی‌دیر.

"گوگل" مهندیس لری، "Zopfli" (فورمات اویغون‌لوغونو پوزما‌دان داها کیچیک اؤلچولو PNG فایل‌لار یارادا بیلن کدلاشدیریجی) و "WebP" (یوکسک اؤلچولو فایل‌لار اوچون هم ایتکی‌سیز، هم ده ایتکی‌لی سیخیشدیریلمانی دستکله‌ین یئنی شکیل فورماتی) آدلان‌دیریلان ایکی یئنی فورماتدا کدلاشدیرما حاضیرلاماغی پلانلاشدیریرلار.