هند اقیانوسوندا یئنی جانلی لار کشف ائدیلدی

" Reports " ژورنالیندا درج اولونان تحقیقات ایشینده هند اقیانوسونون درینلیک‌لرینده ایستی سو منبع‌لری یاخینلیغیندا 6 یئنی جانلی نوعونون کشف ائدیلدیگی بیلدیریلیر.

اینگیلیس تدقیقاتچی‌لاری طرفین‌دن آشکار اولونان یئنی جان‌لی‌لار آراسیندا آچیق قهوه رنگلی خرچنگ، دنیز حلزونی،  اقیانوس سوخولجانی و قوم قوردو نوع لری واردیر.

یئنی جانلی نوعلرینین اقیانوسون درین‌لیک‌لرین‌دکی ایستی قایناق‌لار یاخینلیغیندا دنیزآلتی روبوت‌لارلا آپاریلان تدقیقات‌لاردا کشف ائدیلدیگی قئید اولونور .

اقیانوسون دیبین‌دکی ایستی قایناق‌لار ایلک دفعه 1977-جی ایلده معین اولونوب. او زامان‌دان اعتباراً 400-دن چوخ یئنی جان‌لی نوعو کشف ائدیلیب.