بیلیم اینسان‌لاری ساچلارین آغارماسینا سبب اولان ژنی تاپدی

آراشدیرماچی‌لار، ساچ‌لارین گریلشمسینه سبب اولان ژنین یانیندا 'تک قاش میدانا گلمه‌سینه، ساققالا و قاش‌لارین قالین‌لیغینا تأثیر ائدن ژنی ده کشف ائتدی

443301
بیلیم اینسان‌لاری ساچلارین آغارماسینا سبب اولان ژنی تاپدی

بیلیم اینسانلاری ساچلارین آغارماسینا سبب اولان ژنی تاپدی.

متخصصلره گؤره بو کشف سایهسینده، یاش ایرلیلدیکجه ساچلارین آغارماسینین گئجیکدیریلمهسی و یا مانع تؤردیلمهسینین ده اؤنو آچیلمیش اولا بیلر.

Nature Communications ژورنالیندا گؤستریلن پروژهده، اوروپا، شمالی آمریکا و آفریقادان فرقلی اتنیک کؤکنلیلره صاحب 6 میندن چوخ کؤنوللو آلینان دی. ان. آ نومونهلری آراشدیریلدی.

University College London-دن دوکتور کاوستوب آدهیکاری، "ساچ تؤکولمهسینه و ساچ رنگینه تأثیر ائدن بیر نئچه ژن اولدوغونو اونسوز دا بیلیردیک لاکین اینسانلاردا ساچلارین آغارماسینا و عینی زاماندا ساچ شکلینه و سئیرکلیغینه تأثیر ائدن بو ژن ایلک دفعه تثبیت ائدیلدی" دئدی.

آراشدیرماچیلار، ساچلارین گریلشمسینه سبب اولان ژنین یانیندا 'تک قاش میدانا گلمهسینه، ساققالا و قاشلارین قالینلیغینا تأثیر ائدن ژنی ده کشف ائتدی.

دوکتور آدهیکاری، "کشف ائتدیغیمیز ژنلر، ساچلارین آغارماسیندا، دوز ساچ و یا قالین قاش میدانا گلمهسینده تک باشینا تأثیرلی اولمور. اما هله تثبیت ائدیلمهسی لازیم اولان بیر چوخ فرقلی فاکتورلا بیرلیکده بؤیوک بیر رول اویناییر." دئیه دانیشدی.



ایلگیلی‌لی خبرلر