ایسرائیل غزه‌ده‌کی آتشکسی پوزدوغونو اعتیراف ائتدی
ایسرائیل اوردوسو، دفعه‌لرجه هوجوملارینا باخمایاراق، آتشکسه تام عمل ائله‌دیغینی ادعا ائدیر
ایسرائیل اوردوسو غزه زولاغینین بعضی حیصّه‌لرینده حماس ایله آتشکس موقاویله‌سینی پوزدوغونو اعتیراف ائتدی.
ایسرائیل اوردوسوندان ائدیلن یازیلی بیر شرحده، سون ۲۴ ساعاتدا غزه زولاغینین فرقلی بؤلگه‌لرینده "اوردو قووه‌لرینین یاخینلاشان و تهدید تشکیل ائدن شوبهه‌لیلری اوزاقلاشتیرماق" اوچون آتش آچدیغی ادعا ائدیلدی.
غزه‌ده‌کی ایسرائیللی اسیرلرین گئری قاییتماسی اوچون "آتشکس موقاویله‌سینه باغلی قالیناجاغی" ادعا ائدیلن شرحده، هر جور سئناریویا حاصیر اولدوغونا ایشاره ائدیلدی.
۷ اکتیابر ۲۰۲۳-جو تاریخینده غزه زولاغینا باشلایان ایسرائیل هوجوملاریندا ۱۷ مین ۸۴۱-ی اوشاق و ۱۲ مین ۲۹۸-ی قادین اولماقلا ۴۷ مین ۵۱۸ فیلیسطین‌لی شهید اولوب، ۱۱۱ مین ۶۱۲ نفر یارالانیب.
حماس و ایسرائیل آراسیندا آتشکس و اسیر موبادیله موقاویله‌سی، ۱۹ یانوار بازار گونو تورکیه ساعاتی ایله ۱۲.۱۵-ده قووه‌یه میندی.
ایسرائیل اوردوسو، دفعه‌لرجه هوجوملارینا باخمایاراق، آتشکسه تام عمل ائله‌دیغینی ادعا ائدیر.
ایلگیلی‌لی خبرلر
۳ ایسرائیللی اسیر بین الخلق قیرمیزی خاچ قروپلارینا تحویل وئریلیب
آزاد ائدیلن ۳ ایسرائیللی محبوسون موقابیلینده بو گون ۳۶۹ فیلیسطین‌لی محبوس آزادلیغا بوراخیلاجاق
