غزه اوردونون غرب ساحیلیندهکی حادثهلر
غزهده آتشکسین قوهیه مینمهسی ایله بؤلگهدهکی داغینتیلار اوزه چیخیر.

غزهده آتشکسین قوهیه مینمهسی ایله بؤلگهدهکی داغینتیلار اوزه چیخیر.
ایسرائیلین هوجوملاری نتیجهسینده غزهنین شیمالینین یورده ۸۰ نی داغیدیلیب.
داغینتیلارین چیخاریلماسی تلاشلاری زامانی ۱۲۰ فیلیسطینلینین جسدی چیخاریلیب.
داغینتیلارا باخمایاراق، مجبوری کؤچکون فیلیسطینلیلر اؤز ائولرینه قاییدیرلار.
اومید هله ده داغیلمیش غزهده قالیر. حماس سیاسی بوروسونون عضوو خلیل الحیه تیکینتی ایشلرینه باشلادیغینی آچیقلاییب.
الحیه، "بیز ییخماق یوخ، قوران بیر خالقیق. ایسرائیلین داغیتدیقلارینی دوستلاریمیزین دستگی ایله یئنیدن قوراجاغیق" دئدی.
فیلیسطینلیلر خارابالیقلاردان یئنی حیات قورماغا قرارلیدیرلار. حتی نوصیرتین خارابا کوچهلرینده بازار دا قورولموشدو.
آتشکسدن سونرا یاردیم ماشینلاری غزهیه داخیل اولماغا داوام ائدیر.
بیرلشمیش میللتلر تشکیلاتی چرشنبه آخشامی غزهیه ۸۹۷ یاردیم ماشینینین داخیل اولدوغونو آچیقلاییب.
میصر و غزه زولاغی آراسینداکی رفح سرحد قاپیسینین فیلیسطین طرفینده ائدیلهجک تعمیر و تنظیملهمهلردن سونرا بیر نئچه گون عرضینده آچیلاجاغی آچیقلانیب.
غزهده الده اولونان آتشکسدن سونرا ایسرائیل اوردون چایینین غرب ساحیلینه هوجوملارینی آرتیریب.
جنینده ۱۰ فیلیسطینلی قتله یئتیریلیب. ۴۰ نفر یارالانیب.
ایسرائیلین یئنی هوجوملاری نتیجهسینده ۶۰۰-دن چوخ فیلیسطینلی جنین قاچقینلار دوشرگهسیندن دیدرگین دوشوب.
ایسرائیل قوهلری شرقی قودسدهکی شوافات قاچقین دوشرگهسینده ده بیر فیلیسطینلینی یارالاییب.