ایران: بیز تحریم‌لرین لغوی اوچون دانیشیقلارا حاضیریق
قریب آبادی: «یئنی دؤرون تاریخینی بیرگه مصلحتلشملر یولو ایله موعیین ائدجَییک، لاکین موذاکیره‌لرین داوام ائتدیریلمه‌سی ایله باغلی راضیلیق الده اولونوب»
ایران خاریجی ایشلر ناظیرینین موعاوینی کاظیم قریب آبادی ایقتصادی ترحیم‌لرین آرادان قالدیریلماسی اوچون دانیشیقلارا حاضیر اولدوقلارینی و دیگر طرفلرین‌ده بو اراده‌سی اولارسا، نتیجه الده ائدیله بیله‌جه‌یینی دئییب.
ایرانین رسمی خبر آگئنتلیگی ایرنا-نین معلوماتینا گؤره، قریب آبادی ژنوده سوزلشمه‌نین قبول ائدیلمه‌سینین ۷۵-جی ایلدؤنومو مراسیمینده مطبوعاتا آچیقلاما وئریب.
قریب آبادی دئدی:
"ایران کئچمیشده اولدوغو کیمی تحریم‌لرین آرادان قالدیریلماسی اوچون دانیشیقلارا یئنیدن باشلاماغا حاضیردیر. بیزده همیشه بو اراده اولوب. اگر دیگر طرفلرین‌ده بو ایراده‌سی اولسا، دانیشیقلار باش توتاجاق و یئکونلاشاجاق".
دانیشیقلارین برپاسی و آنلاشما الده ائتمک اوچون اویغون زمین و ایمکانلارین اولدوغونو بیلدیرن قریب آبادی ایقتصادی تحریم‌لرین خالقا منفی تأثیر گؤستردییینی، لاکین مقصدلرینه چاتمادیغینی ادعیا ائدیب.
ایران ماقامی بو یاخینلاردا ۳ آوروپا اؤلکه‌سی (آلمان، انگلیس و فرانسه) ایله کئچیریلن گؤروشلره توخوناراق بیلدیریب کی، اونلار آوروپا ایله دانیشیقلارین یئنی مرحله‌سینی تشکیل ائتمک و مصلحتلشملری داوام ائتدیرمک باره‌ده راضیلیغا گلیبلر.
قریب آبادی دئییب:
«یئنی دؤرون تاریخینی بیرگه مصلحتلشملر یولو ایله موعیین ائدجَییک، لاکین موذاکیره‌لرین داوام ائتدیریلمه‌سی ایله باغلی راضیلیق الده اولونوب».
