هاجیواسیلیو تورکیه ایله اولوملو گوندمی داوام ائتدیرمک ایستییر
هاجیواسیلیو، سلفی کوستاس فرانگویانینین صلاحیت مدتینده اؤنم وئردیگی تورکیه ایله یونانیستان آراسیندا اؤلوملو گوندم ایشینی داوام ائتدیرمک نیتینده اولدوغونو بیلدیریب.

یونانیستانین یئنی خاریجی ایشلر ناظیرینین اقتصادی دیپلوماسیدن مسئول موعاوینی تاسوس هاجیواسیلیو، سلفی کوستاس فرانگویانینین صلاحیت مدتینده اؤنم وئردیگی تورکیه ایله یونانیستان آراسیندا اؤلوملو گوندم ایشینی داوام ائتدیرمک نیتینده اولدوغونو بیلدیریب.
کئچن هفته یونانیستان خاریجی ایشلر ناظیرینین اقتصادی دیپلوماسیدان مسئول موعاوینی وظیفهسیندن ایستعفا وئرن فرانگویانیس دونن تشکیل ائدیلن مراسیمله وظیفهلرینی هاجیواسیلیویا تحویل وئریب.
فرانگویانیسه مراجعت ائدن هاجیواسیلیو دئدی:
"حؤرمتلی کوستا، داوام ائتدیرمک ایستدییم بو ۵,۵ ایل عرضینده الده ائتدیینیز بعضی تشببوسلری ده قئید ائتمک ایستردیم. ایلک نؤوبهده، یونانیستان و تورکیه آراسیندا اولوملو گوندم وار. انرژی، قونشولار آراسیندا اؤانملی بیر علاقه کؤرپوسو رولونو اویناییر و "بو، واجیب ایشلرین گؤرولهجگی بیر ساحهدیر."
هاجیواسیلیو عینی زاماندا بیلدیریب کی، او، فرانگویانیلر دؤورونده عرب اؤلکهلری ایله تیجارت امکداشلیغینین آرتیریلماسی تلاشلارینی داوام ائتدیرمک نیتیندهدیر.
دیگر طرفدن، مراسیمده چیخیش ائدن یونانیستانین خاریجی ایشلر ناظیر یورگوس ایراپتریتیس، فرانگویانیسه خیدمتلرینه گؤره تشککور ائدیب و فرانگویانیسین باش ناظیرین موشاویری وظیفهسینی داوام ائتدیرجگینی قئید ائدیب.