فیلیسطینلی قاچقینلار دوشرگهسینده حیاتا کئچیریلن هوجومدا ۱ فیلیسطینلی اؤلوب، ۴ نفر یارالانیب
ایسرائیل مطبوعاتینا دانیشان حربی منبع بیلدیریب کی، هوجوملارین بیر نئچه گون داوام ائدجهیی گؤزلنیلیر

ایسرائیل اوردوسونون ایشغال آلتینداکی اردن چایینین غرب ساحیلینین شیمالینداکی جنین فیلیسطینلی قاچقینلار دوشرگهسینه پیلوتسوز اوچوش آپاراتی ایله حیاتا کئچیردییی هوجومدا ۱ فیلیسطینلی اؤلوب، ۴ نفر یارالانیب.
فیلیسطین ساغلیق ناظیرلیییندن وئریلن یازیلی آچیقلامادا، ایشغالچی دؤلتین هاوا هوجوموندا شهید اولان بیر فیلیسطینلینین جنین دؤلت خستهخاناسینا گؤتورولدویو یازیلیب.
آچیقلامادا ایسرائیلین هوجوملاری نتیجهسینده یارالانان ۴ نفرینده عینی خستهخانایا آپاریلدیغی بیلدیریلیب.
ایسرائیل اوردوسوندان وئریلن آچیقلامادا اوردو و داخیلی کشفییات تشکیلاتی شین-بئت (شاباک) اردن چایینین غرب ساحیلیندکی ئنین قاچقینلار دوشرگهسینه هوجوم تشکیل ائتدییی آچیقلانیب.
ایسرائیل مطبوعاتینا دانیشان حربی منبع بیلدیریب کی، هوجوملارین بیر نئچه گون داوام ائدجهیی گؤزلنیلیر.
شاهیدلر ایسرائیل خوصوصی تعییناتلیلارینین جنین قاچقینلار دوشرگهسینین محلهلرینهده باسقین ائتدییینی و دوشرگهده هوجوم خبردارلیغینین سیرئنلر چالدیغینی پایلاشیبلار.
ایسرائیل اوردوسونون دوشرگهیه حربچی گؤندردییینی بیلدیرن شاهیدلر ایسرائیل پیلوتسوز اوچوش آپاراتلارینین دوشرگهده ایکی نؤقطهنی هدف آلدیغینی قید ائدیبلر.
ایلگیلیلی خبرلر

محمد اسماعیل درویشین باشچیلیق ائتدییی حماس نوماینده هیئتی تهراندا
ایران لیدئری خامنهای حماسـین ایسرائیله قارشی اوغورلارینی وورغولاییب