ایسرائیل حبسخانانین اؤنونده محبوسلارین آزاد ائدیلمهسینی گؤزلَینلره هوجوم ائدیب
ایسرائیل قووهلری ژورنالیستلرین اراضیده چکیلیش آپارماسینا دا مانع اولوب

ایسرائیل قووهلری اوردون چایینین غرب ساحیلیندکی حربی حبسخاناسیندان فیلیسطینلی محبوسلارین آزاد ائدیلمهسینی گؤزلَین کوتلهیه گؤزیاشاردیجی گاز و سس-کویلو بومبارالارلا هوجوم ائدیب.
ایسرائیل قووهلری گئجه یئرلی واختلا ساعات ۰۲:۱۵-ه قدر فیلیسطینلی محبوسلاری آزاد ائتمهییب.
ایسرائیل قووهلری رامالله دا قوهوملارینا قوووشماغی صبیرسیزلیکله گؤزلَین فیلیسطینلیلره هوجوم ائدیب، کوتلهیه گؤزیاشاردیجی گاز و سس-کویلو بومبارالارلا موداخیله ائدیب، ژورنالیستلری اراضیدن اوزاقلاشدیرماغا چالیشیب.
ایشغال آلتینداکی اوردون چایینین غرب ساحیلینده نابلوس و هبرون شهرلرینه باسقین حیاتا کئچیریلیب.
ایسرائیل قووهلرینین فیلیسطینلیلره آتش آچماسی نتیجهسینده بیر اوشاق اؤلوب، ۴ فیلیسطینلی ایسه یارالانیب.
اؤته یاندان ایسرائیل قووهلری آزاد ائدیلمهسی گؤزلنیلن فیلیسطینلی محبوسون شرقی قدسدهکی ائوینهده باسقین ائدیب.
ژورنالیستلرین اراضیده چکیلیش آپارماسینا دا مانع اولوب.