ایراندا ۱۰ تورک مدنی آکتیویسته وئریلن آغیر جزالار تصدیقلنیب
تهران اینقیلاب محکمهسینین ۱۵-جی شؤعبهسینین حاکیمی ابوالقاسم صلواتی بو شخصلری ۳ ایلدن ۱۴ ایله قدر حبس جزاسینا محکوم ائتمیشدی

ایراندا ۱۰ تورک مدنی آکتیویسته وئریلن آغیر جزالار تهرانین استیناف محکمهسی طرفیندن تصدیقلنیب.
ایراندا آذربایجانلی سیاسی محبوسلاری مودافیعه انجمنینین (آداپ) درج ائتدییی راپورا گؤره، تهرانین استیناف محکمهسینین ۳۶-جی شؤعبهسی بو فعاللارین اعتراضینی رد ائدیب.
آدی چکیلن شخصلر اوللر تهران اینقیلاب محکمهسینین ۱۵-جی شؤعبهسینین حاکیمی ابوالقاسم صلواتی طرفیندن ۳ ایلدن ۱۴ ایله قدر حبس جزاسینا محکوم ائدیلمیشلردی.
بو آذربایجانلی فعاللار اؤتن قیشدا بیناب، رشت، ایسلامشهر، آستارا، کرج، ماراغا، اردبیل، موغان، اورمیه و تبریز شهرلرینده امنیت قووهلری طرفیندن حبس ائدیلیبلر.
ایران ایسلام رئسپوبلیکاسینین تهلوکهسیزلیک و محکمه تشکیلاتلاری حبس اولونان شخصلری «جاسوسلوق، میللی تحلوکهسیزلییه قارشی فعالیت و اؤلکهنین تحلوکهسیزلییینی تهدید ائتمک» ایله ایتیهام ائدیب.