اسیر موبادیله‌سینده ایسراییل‌دن گؤزلنیلن آددیم گلدی
ایسراییل حماس ایله الده اولونان آتیشکس و اسیر موبادیله‌سی چرچیوه‌سینده 90 فیلیسطین‌لی محبوسو آزاد ائدیب.
ایسراییل حماس ایله الده اولونان آتیشکس و اسیر موبادیله‌سی چرچیوه‌سینده 90 فیلیسطین‌لی محبوسو آزاد ائدیب.
حماس‌ین ایسراییل ایله اولان موبادیله اساسیندا 3 ایسراییل‌لی اسیری آزاد ائتمه‌سی‌نین آردیندان گؤزلنیلن آددیم گلدی. آزاد ائدیلن 3 اسیر قارشیلیغیندا اوردون چایی‌نین باتی ساحلینده رام الله شهری یاخینلیغیندا یئرلشن عوفر حربی حبس‌خاناسیندا ساخلانیلان 90 فیلیسطین‌لی محبوس سربست بوراخیلیب.
فیلیسطین مئدیاسی آزاد ائدیلن محبوس‌لارین 69-ون قادین، 20-نین اوشاق، بیری‌نین ایسه گنج اولدوغونو بیل‌دیره‌رک آزادلیغا چیخان فیلیسطین‌لیلرین 78-نین ایشغال آلتینداکی اوردون چایی‌نین باتی ساحلیندن، 12-نین ایسه ایشغال آلتینداکی شرقی قودس‌دن اولدوغونو قئید ائدیب.
حماس‌ین حربی قانادی عزالدین قسام گردان لاری غزه زولاغیندا آتیشکس و اسیر موبادیله‌سی راضیلاشماسی‌نین قوه‌یه مینمه‌سی ایله 3 ایسراییل‌لی اسیری آزاد ائتمیشدی. ایسراییل اوردوسو آزاد ائدیلن رومی گونن، امیلی داماری و دورون اشتاینبرچرین ایسراییله چاتدیغینی آچیقلاییب.
خاطیرلاداق کی، راضیلاشما چرچیوه‌سینده ایلک مرحله‌ده 90 فیلیسطین‌لی محبوسو آزاد ائدجگینی عهده سینه گؤتورن ایسراییله گؤزلر چئوریلمیشدی.
