غزهده آتیشکس قوهیه مینیب
ایسراییل "حماس"ین غزهدن بو گون آزاد ائدیلهجک اسیرلرین سیاهیسینی آچیقلاماسیندان سونرا آتیشکسین تورکیه ساعاتی ایله 12:15-ده باشلادیغینی اعلان ائدیب.





ایسراییل "حماس"ین غزهدن بو گون آزاد ائدیلهجک اسیرلرین سیاهیسینی آچیقلاماسیندان سونرا آتیشکسین تورکیه ساعاتی ایله 12:15-ده باشلادیغینی اعلان ائدیب.
فیلیسطین مقاومت حرکاتی حماس و ایسراییل آراسیندا الده اولونان راضیلاشمادان سونرا غزهده آتیشکس قوهیه مینیب. آتیشکسین باشلاماسی ایله غزهدهکی سیویل ساوونما ایشچیلری ال لرینده بایراقلارلا یوروش ائدهرک سئوینج نوماییشلری کئچیریب.
سیویل ساوونما ایشچیلری عاجیل یاردیم و یانغین سؤندورن ماشینلاری ایله غزه کوچهلرینده اوزون کاروانلار تشکیل ائدیبلر.
حماس و ایسراییل آراسیندا الده اولونان آتیشکس و قارشیلیقلی اسیر موبادیلهسی راضیلاشماسینین قوهیه مینمهسیندن سونرا خان یونیس شهرینه سیغینان فیلیسطینلیلر رفاه شهریندهکی ائولرینه قاییتماغا باشلاییبلار. حماسین حربی قانادی عزالدین قسام گردان لاری ایسراییل ایله الده اولونان آتیشکس و اسیر موبادیلهسی راضیلاشماسی چرچیوهسینده بو گون آزاد ائدیلهجک 3 قادین اسیرین آدلارینی آچیقلادیقدان سونرا ایسراییل ده بو گون آزاد ائدیلهجک 3 ایسراییللی قادین اسیرین سیاهیسینی آلدیغینی اعلان ائتمیشدی. دیگر طرفدن، ایسراییلین بو گون سحر ساعاتلاریندا غزه زولاغینا تشکیل ائتدیگی هوجوملاردا حیاتینی ایتیرن فیلیسطینلیلرین سایی 24-ا چاتیب.