ایراندا ایکی عالی محکمه حاکیمی رازینی و مقیسه سیلاحلی هوجوم نتیجهسینده اؤلدورولدولر
حادیثهدن سونرا تجاووزکارین اؤزونه آتش آچاراق اینتیحار ائتدییی بیلدیریلیب

ایرانین پایتخاتی تهراندا عالی محکمهنین بیناسی قارشیسیندا سیلاحلی هوجوم نتیجهسینده ایکی عالی محکمه حاکیمی حیاتینی ایتیریب، بیری ایسه یارالانیب.
ایرانین رسمی خبر آگئنتلیگی ایرنا-نین معلوماتینا گؤره، عالی محکمهنین حاکیملری تهراندا عالی محکمهنین بیناسی قارشیسیندا سیلاحلی باسقینچی طرفیندن اؤلدورولوب.
هوجوم زامانی عالی محکمهنین ۵۳-جو شؤعبهسینین صدری حجت الاسلام علی رازینی و ۳۹-جو شؤعبهسینین صدری حجت الاسلام محمد مقیسه حیاتینی ایتیریب.
آتیشما زامانی «قاضی میری» آدلی باشقا بیر حاکیم و بیر موحافیظهچیده یارالانیب و خستهخانایا آپاریلیب.
ایران محکمه سیستئمینین ایکی یوکسک روتبهلی حاکیمی علی رازینی و محمد مقیسه حؤکومت علیهدارلاری و اینسان حاقلاری تشکیلاتلاری طرفیندن حؤکومت علیهدارلارینا و سون ایللرده ایراندا اعتیراض آکسیالاری زامانی حبس اولونانلارا قارشی آغیر حؤکملر چیخارماقدا گوناهلاندیریلیب.
حاکیم مقیسه اولاراق آدلانان محمد مقیسه آمئریکا و آوروپانین تحریملری سیاهیسیندا ایدی.
حادیثهدن سونرا تجاووزکارین اؤزونه آتش آچاراق اینتیحار ائتدییی بیلدیریلیب.