امارات لبنانداکی سفیرلیگینی یئنیدن آچماغا حاضیرلاشیر
بیرلشمیش عرب امیرلیکلری خاریجی ایشلر ناظیرلیگیندن یاییلان یازیلی آچیقلامادا بیروتداکی سفیرلیگی یئنیدن آچماق اوچون حاضیرلیقلار چرچیوهسینده لبنانا نوماینده هئیتینین گؤندریلدیگی بیلدیریلیب.
2231862

بیرلشمیش عرب امیرلیکلری خاریجی ایشلر ناظیرلیگیندن یاییلان یازیلی آچیقلامادا بیروتداکی سفیرلیگی یئنیدن آچماق اوچون حاضیرلیقلار چرچیوهسینده لبنانا نوماینده هئیتینین گؤندریلدیگی بیلدیریلیب.
بیرلشمیش عرب امیرلیکلرینین پرزیدنتی محمد بن زایدین لبنان پرزیدنتی جوزف عون ایله تلفون دانیشیغیندان سونرا بو ایستیقامتده گؤستریش وئردیگی قئید اولونان آچیقلامادا "سفیرلیگین یئنیدن آچیلماسی ایکی اؤلکه و دوست خالقلار آراسینداکی دوستلوق علاقهلرینی عکس ائتدیریر" ایفادهسینه یئر وئریلیب.
خاطیرلاداق کی، رسمی ابوظبی لبنانین اینفورماسیون ناظیری جورج کرداحینین 2021-جی ایلین اوکتبریندا یمن ایله باغلی سعودی عربیستانینی تنقید ائدن آچیقلامالاریندان سونرا بیروتداکی دیپلوماتلارینی گئری چاغیرمیش و وطنداشلارینین لبنانا سیاحت ائتمهسینی قاداغان ائتمیشدی.