اسد حسن شیبانی "ت.ر.ت خبر" کانالینا موصاحیبه وئردی
اسد حسن شیبانی "ت.ر.ت خبر" کانالینا موصاحیبه وئرهرک ایلک دفعه تورکیه کاناللاریندان بیرینده قوناق اولوب.

سوریهنین یئنی رهبرلیگینین خاریجی ایشلر ناظیری اسد حسن شیبانی تورکیهنین ثابتلیک و تهلوکهسیزلیگینی مدافعه ائتدیکلرینی و بؤلگهدهکی ترور تهلوکهسی ایله موباریزه اوچون سرعتله حرکته کئچهجکلرینی بیلدیریب.
اسد حسن شیبانی "ت.ر.ت خبر" کانالینا موصاحیبه وئرهرک ایلک دفعه تورکیه کاناللاریندان بیرینده قوناق اولوب.
شیبانی پروقرامدا سوریهدهکی مؤوجود وضعیت و تورکیه-سوریه موناسیبتلرینه توخوناراق دئییب:
"پرزیدنت رجب طیب اردوغان و تورک خالقی تاریخده دوغرو یئرده، بشری دگرلرین و خالقین ایرادهسینین طرفینده اولدو.
سوریهده باش وئرنلر و سوریهنین آزاد ائدیلمهسی هر ایکی خالق اوچون فایدالی اولاجاق. تورکیهنین ثابتلیک و تهلوکهسیزلیگینی هر زامان مدافعه ائدیریک.
سوریهنین تهلوکهسیزلیگی تورکیهنین، تورکیهنین تهلوکهسیزلیگی ایسه سوریهنین تهلوکهسیزلیگیدیر. سوریه اؤز اراضیسیندن باشقا اؤلکهلره تهلوکه یاراتماق ایستمیر. بیز بو مسئلهلری موذاکیره ائدیریک و چوخ تئزلیکله مثبت نتیجهلر گؤزلییریک. بو تهدیدلرله موباریزه آپارماق اوچون چوخ سرعتله حرکت ائدجییک.
تورکیه ایله علاقهلری ان یوکسک سویهده ساخلاماق ایستییریک. سوریهنین خاریجی سیاستینده یئنی بیر صحیفه آچیلماسینی آرزو ائدیریک".
ناظیر شیبانی ایسراییلین اؤلکهسینه هوجوملاری ایله باغلی ایسه بونلاری دئییب:
"ایسراییل حربی بازالارا و بؤلگهلره هوجوم ائتدی. مطلق وطنیمیزی مدافعه ائتمهلی و سوریه خالقینی قورومالیییق. بیز ده یئنی تهلوکهلره قارشی حاضیریق".
سوریه خاریجی ایشلر ناظیری موصاحیبهنین سونوندا تورکجه مئساژ وئرهرک، "هر شئی اوچون قارداش تورک خالقینا تشککور ائدیریک" دئییب.