ترور تشکیلاتی پ.کا.کا/ی.پ.گ-نین سوریهده ایشغالی گوجلندیرمه جهدلری
بؤلوجو ترور تشکیلاتی پ.کا.کا/ی.پ.گ، سوریهدهکی ایشغالینی محکملندیرمک اوچون ایران و عراقدان گتیردیگی طرفدارلارینا سلاحلی تعلیم کئچمهیه باشلاییب.

ترور قروپلاری سوریهده ایشغالینی گوجلندیرمک اوچون عراق و ایراندان طرفدارلارینی گتیریر.
ترور تشکیلاتی پ.کا.کا/ی.پ.گ سوریهدهکی ایشغالینی محکملندیرمک اوچون عراق و ایراندان گتیردیگی طرفدارلارینا سلاحلی تعلیملر وئریر.
بولوجو تشکیلات 3 ژانویهدن اعتباراًعراق و ایراندا توپلادیغی 1300 کیشی و قادین طرفدارینی سوریه اراضیسینه کئچیردی. تورکیهنین مومکون حربی عملیاتینا قارشی عین العربداکی ایشغالینی گوجلندیرمک مقصدیله طرفدارلارینی سوریهیه گتیرهرک اونلاری حسکه ویلایت مرکزی و قامشلی بولگهسینه توپلادی. توپلانان ترورچولار داها سونرا رقه و دیرالزور بؤلگهلریندهکی سلاحلی تعلیم دوشرگهلرینه گؤندریلیر.
سوریهنین اوچده بیرینی ایشغال آلتیندا ساخلایان پ.کا.کا/ی.پ.گ عراقین شیمالیندان سوریهنین شیمال-شرقینه قدر اوزانان لجستیک خط واسیطهسیله ترورچو کئچیدلرینی تامین ائدیر.
خاطیرلاداق کی، کئچن هفته تورکیهنین خاریجی ایشلر ناظیری هاکان فیدان "اونلارا (پ.کا.کا/ی.پ.گ-یه) وئردیگیمیز اولتیماتومو هر کس بیلیر. امریکالی لار واسیطهسیله ده، مطبوعات واسیطهسیله ده بیلدیردیک. اولوسلار آراسی ترورچو ایستاتوسو داشییان، تورکیهدن، ایراندان، عراقدان گلمیش شخصلرین درحال سوریهنی ترک ائتمهسی لازیمدیر" دئیه بیان ائتمیشدی. امریکانین خاریجی ایشلر ناظیرلیگینین سیاسی ایشلر اوزره موقتی مودیر معاوینی جان باس دا تورکیهنین تهلوکهسیزلیک ناراحاتلیقلارینی آنلادیقلارینی و سوریهده اولان خاریجی ترورچولارین اؤلکهنی ترک ائتمهسینین واجیبلیگینی قئید ائتمیشدی.