ایسراییل‌ین غزه‌یه شدتلی هوجوم‌لاری داوام ائدیر

ایسراییل اوردوسونون 7 اوکتبر 2023-جو ایل تاریخیندن اعتباراً غزه زولاغیندا حیاتا کئچیردیگی هوجوم‌لاردا حیاتینی ایتیرن‌لرین سایی 46 مین 6 نفره یوکسلیب.

غزه‌ده فیلیسطین ساغلیق ناظیرلیگیندن وئریلن آچیقلامادا ایسراییلین غزه زولاغینا 461 گون‌دور هوجوم‌لاری ایله باغلی معلومات وئریلیب.

ایسراییل اوردوسونون غزه زولاغی‌نین موختلیف بؤلگه‌لرینده سون 24 ساعاتدا حیاتا کئچیردیگی 3 قتل عام نتیجه‌سینده 70 نفرین حیاتینی ایتیردیگی، 104 نفرین ایسه یارالاندیغی بیلدیریلیب.

قئید ائدیلیب کی، ایسراییلین 7 اوکتبر 2023-جو ایلدن غزه زولاغینا تشکیل ائتدیگی هوجوم‌لاردا اؤلن‌لرین سایی 46 مین 6 نفره، یارا‌لی‌لارین سایی ایسه 109 مین 378 نفره یوکسلیب.

بیاناتدا همچنین داغینتی‌لار آلتیندا و یول کناریندا هله ده اؤلن‌لرین اولدوغو، لاکین ایسراییل قوه‌لری‌نین مانعه‌سی اوزون‌دن طب و سیویل ساوونما ایشچی‌لری‌نین جسدلره چاتا بیلمه‌دیگی بیر داها وورغولانیب.