آلباراس لوبنانا و سوریهیه گئدیر
ایسپانیانین خاریجی ایشلر ناظیری خوزه مانوئل آلباراس گلن هفتهنین اولینده لوبنانا سفر ائدجگی بیلدیریلیر
ایسپانیانین خاریجی ایشلر ناظیری خوزه مانوئل آلباراس گلن هفتهنین اولینده لوبنانا سفر ائدجگی بیلدیریلیر.
ایسپانیا خاریجی ایشلر ناظیرلیگیندن وئریلن یازیلی آچیقلامادا آلباراس ایلک دایاناجاغینین لبنان اولاجاغی و نویابر ۲۰۱۰-جو ایلده قوهیه مینن آتیشکس راضیلاشماسی ایله معین ائدیلن ۶۰ گونلوک مدتین سونونا دوغرو لبناندا سیاسی لیدئرلرله گؤروشهجگی قئید ائدیلیب.
آچیقلامادا ناظیر آلباراس اؤلکهدهکی بیرلشمیش میللتلر تشکیلاتینین (بمت) لوبنانداکی موقتی باریش قوهلرینه (اونیفیل) سفر ائدجگی، لوبناندان سونرا سوریهیه گئدهرک بعث رئژیمینین ۸ دئکابردا داغیلماسینین آردیندان یئنی حوکومتینین نمایندهلری ایله گؤروشهجکی بیلدیریلیب.
آلباراس دمشقده ائتنیک و دینی آزینلیقلارا باغلی بعضی وطنداش جمعیتی تشکیلاتلارینین نمایندهلری ایله گؤروش کئچیرجگی، ایسپان ناظیرین سوریهیهده دئوریلمیش بشار اسد رئژیمینین ایشگهنجه مرکزی کیمی تانینان صیدنایا حبسخاناسینا دا باش چکه بیله جگی بیلدیریلیب.
آچیقلامادا آلبارس ایسپانیا بایراغینین ۲۰۱۲-جی ایلده دمشقدهکی ایسپانیا سفیرلیگینده ائندیریلمهسیندن سونرا ۱۳ ایللیک فاصیلهدن سونرا یئنیدن قالدیریلدیغی مراسیمه قاتیلاجاغی دا قئید ائدیلیب.
ایسپانیا ناظیری آلبارس آلمانیانین خاریجی ایشلر ناظیری آنالئنا بائربوک و فرانسانین خاریجی ایشلر ناظیری ژان-نوئل بارروتون یانوارین ۳-ده دمشقه سفریندن سونرا آوروپا بیرلیگی اؤلکهلریندن سوریهیه سفر ائدن اوچونجو خاریجی ایشلر ناظیر اولاجاق.
