ایلهام علی یئو:"زنگزور دهلیزی آچیلما‌لی‌دیر و آچیلا‌جاق"

پرزیدنت، آذربایجانین آیریلماز پارچاسی اولان ناخچیوانا آلتئرناتیو یول‌لارلا گئدیشین قبول ائدیلمزلیگینی بیل‌دیره‌رک، ایروانا بو مسئله‌ده تئز حرکت ائتمگی توصیه ائتدی.

2228326
ایلهام علی یئو:"زنگزور دهلیزی آچیلما‌لی‌دیر و آچیلا‌جاق"

آذربایجان پرزیدنتی ایلهام علی یئو، ائرمنیستانین تورکیه ایله آذربایجان آراسیندا جوغرافی مانعه رولونو اویناماغا چالیشماما‌لی اولدوغونو وورغولادی.

معلوماتا گؤره، ایلهام علی یئو یئرلی مئدیایا آچیقلاماسیندا، زنگزور دهلیزی مسئله‌سینده ائرمنیستانین ایکی اؤلکه آراسیندا هر هانسی سد یاراتماما‌لی اولدوغونا دقت چکیب. دؤولت باشچی‌سی قئید ائدیب کی، ائرمنیستان بو مسئله‌یه مثبت یاناشما‌لی و هئچ بیر سیاسی و جوغرافی مانعه‌یه چئوریلمه‌مه‌لی‌دیر.

پرزیدنت، آذربایجانین آیریلماز پارچاسی اولان ناخچیوانا آلتئرناتیو یول‌لارلا گئدیشین قبول ائدیلمزلیگینی بیل‌دیره‌رک، ایروانا بو مسئله‌ده تئز حرکت ائتمگی توصیه ائتدی.

"زنگزور دهلیزی آچیلما‌لی‌دیر و آچیلا‌جاق،" – دئیه ایلهام علی یئو وورغولاییب. اونون سؤزلرینه گؤره، ائرمنیستان بو مسئله‌ده نه قدر تئز آددیم آتسا، بیر او قدر ده فایدا‌لی اولار: "بیز بئله‌جه گؤزله‌یه بیلمریک. نیه گؤره بیز آذربایجانین آیریلماز پارچاسی اولان ناخچیوانا باشقا یول‌لاردان گئتمه‌لییک؟

ایلهام علی یئو، امریکادا مدتی باشا چاتان پرزیدنت جو بایدن رهبرلیگی‌نین "سوروس اصولو" ایله ایداره اولوندوغونو وورغولایا‌راق، ائرمنیستانا یئنی رئال‌لیق‌لاری قبول ائتمگی توصیه ائتدی.

آذربایجان پرزیدنتی بیلدیریب کی، سوروس دؤورو آرتیق باشا چاتیب و ایروان حاکمیتی بونو نظره آلما‌لی‌دیر. اورتا شرقده – ائرمنیستانین یاخین متفیقی اولان سوریه‌ده‌کی بشار اسد رژیمی‌نین تاریخین زیبیل‌خاناسینا گئتدیگینی خاطیرلا‌دان ایلهام علی یئو، آذربایجانین ائرمنیستان اوچون تهلوکه منبعی اولمادیغینی دا قئید ائدیب. بونونلا بئله، او، ایروان‌دان یاپیجی آددیم‌لار گؤزله‌دیک‌لرینی بیر داها ایفاده ائدیب.



ایلگیلی‌لی خبرلر