آذربایجان هاوا یوللارینا عائید یولجو اوچاق قضاسیندا ۳۲ نفر ساغ قالیب
قازاخیستانین آکتائو شهری یاخینلیغین‌دا دوشن آذربایجان هاوا یوللارینا عائید یولجو اوچاغین‌دا اولان ۳۲ نفرین ساغ قالدیغی بیلدیریلیب.
قازاخیستانین آکتائو شهری یاخینلیغین‌دا دوشن آذربایجان هاوا یوللارینا (آزال) عائید یولجو اوچاغین‌دا اولان ۳۲ نفرین ساغ قالدیغی بیلدیریلیب.
آکتائودا باش وئرمیش اوچاق قضاسی ایله باغلی باکی حیدر علیئو بین الخالق هاوا آلا‌نیندا مطبوعات کونفرانسی کئچیریلیب.
بیلدیریلیب کی، باکی-گروزنی سفرینی حیاتا کئچیر‌ن یولجو اوچاغی قضایا دوشمزدن اول دومان سببین‌دن قوش سوروسونه دئییب و روسیانین داغیستان ویلایتینین ماهاچقالا شهرینه ایستیقامتلنیب.
آزال-ین مطبوعات خیدمتینین رهبری فرید حسینوو بیلدیریب کی، اوچاق‌دا ۵ خدمه و ۶۲-سی یولجو اولماقلا ۶۷ نفر اولوب.
حسینوو قئید ائدیب کی، یولجولاردان ۳۷-سی آذربایجان، ۱۶-سی روسیا، ۶-سی قازاخیستان، ۳-و ایسه قیرقیزیستان وطنداشی اولوب.
آذربایجانین ساوجیلیغینین مسئولو کنعان زئینالوو دا بیلدیریب کی، ایلکین معلوماتلارا گؤره، قضادان ۳۲ نفر ساغ قالیب و اونلارا طیبی یاردیم گؤستریلیب.
دیگر طرف‌دن، آذربایجان ریاست هئیتینین یایدیغی آچیقلامادا بیلدیریلیب کی، اوچاق قضاسیندا چوخ سایدا اینسانین اؤلمه‌سی و یارالانماسی ایله باغلی پرئزیدئنت ایلهام علیئو دئکابرین ۲۶-نین (بو گون) میللی ماتم گونو اعلان ائدیلمه‌سی باره‌ده قرار قبول ائدیب.
عینی زاماندا ایلهام علیئو روسیایا سفرینی ده لغو ائدیب.
علیئو موستقیل دؤولتلر بیرلیگینه عضو اؤلکه‌لرین دؤولت باشچیلارینین غیری-رسمی زیروه توپلانتی‌سین‌دا ایشتیراک ائتمک اوچون روسیانین سن-پئتربورگ شهرینه سفر ائده‌جکدی.
ایلگیلی‌لی خبرلر
حماس اسیر موبادیلهسینین تاخیره سالیندیغینی بیلدیردی
حماس ایسراییلین عهده لیکلرینی یئرینه یئتیرمه‌مه‌سینه گؤره اسیر موبادیله‌سینی تاخیره سالدی.
