نئتانیاهودان حوثیلره تهدید
ایسرائیلین باش ناظیر بنیامین نئتانیاهو، ایسرائیلین یافا شهرینده ایکی نیظامی هدفه "فیلیسطین ۲" تیپ‌لی بالیستیک راکئتلرله سالدیری ائتدیکلرینی آچیقلایان یمن‌ده‌کی حوثیلری تهدید ائدیب.
ایسرائیلین باش ناظیری بنیامین نئتانیاهو، ایسرائیلین یافا شهرینده ایکی نیظامی هدفه "فیلیسطین ۲" تیپ‌لی بالیستیک راکئتلرله سالدیری ائتدیکلرینی آچیقلایان یمن‌ده‌کی حوثیلری تهدید ائدیب.
باش ناظیر نئتانیاهو ویدئو مئساژدا حوثیلر و یافاداکی نیظامی بپایگاهلارا بالیستیک راکئتلر آتدیقلارینی آچیقلایان ایسرائیل ساواش اوچاق‌لارینین یمنه قارشی هاوا سالدیریلاری ایله باغلی آچیقلامالار وئریب.
نئتانیاهو بیلدیریب: "حوثیلر چتین یول‌دان اؤیره‌نیرلر کی، ایسرائیله ضرر وئرن هر کس چوخ آغیر بدل اؤد‌یه‌جک."
آمریکا و بیر چوخ دیگر اؤلکه‌لرین ایسرائیلین یمنه سالدیریلارینی "چوخ یاخشی آنلادیغینی" ادعا ائدن نئتانیاهو، "ایسرائیل حوثیلره قارشی حرکت ائدرکن بوتون بین الخالق ایجتیماعیتین آدین‌دان حرکت ائتدیگینی" ادعا ائدیب.
یمن‌ده ایرانین دستکلدیگی حوثیلر ایسرائیلین یافا شهرینده ایکی نیظامی تاسیسین «فیلیسطین ۲» تیپ‌لی بالیستیک راکئتلرله وورولدوغونو آچیقلاییب.
ایسرائیل اوردوسونون رادیوسو ایسرائیل اوردوسونون ۱۴ ساواش اوچاغی ایله یمن‌ده ۵ هدفه چوخسایلی بومبالی سالدیریلار تشکیل ائتدیگینی بیلدیریب.
ایسرائیل اوردوسون‌دان وئریلن آچیقلامادا حوثیلرین حیاتا کئچیردیگی سالدیری‌دا تئل-آویو یاخینلیغین‌داکی رامات گان شهرینده بیر مکتبه زیان دئیدیگی بیلدیریلیب.
