ایسرائیل اوردوسو لبنانین خیام بؤلگهسیندن گئری چکیلیب
ایسرائیل اوردوسو لبنانین جنوبونداکی خیام بؤلگهسیندن گئری چکیلدیگینی آچیقلاییب.
ایسرائیل اوردوسو لبنانین جنوبونداکی خیام بؤلگهسیندن گئری چکیلدیگینی آچیقلاییب.
مؤوضوع ایله باغلی ایسرائیل اوردوسوندان وئریلن آچیقلامادا، ۷-جی قوردانین ۱۱ دئکابر تاریخیندن اعتباراً خیامدا "وظیفهسینی تاماملادیغی" و لبنان اوردوسو ایله بیرلشمیش میللتلر تشکیلاتینین لبنان موقتی باریش گوجو عسگرلرینین گؤندریلدیگی ایفاده ائدیلدی. آمریکانین کوردیناسیونوندا آتیشکس راضیلاشماسینا اویغون اولاراق بؤلگهیه کونوشلاندیریلدیغی بیلدیریلدی.
آچیقلامادا ایسرائیل اوردوسونون لبنانین جنوبوندا ایشغال ائتدیگی دیگر بؤلگهلرده یئرلشدیریلمهسینه داوام ائتدیگی بیلدیریلیب و ایسرائیل اوردوسونون "آتیشکس راضیلاشماسینا اویغون فعالیت گؤستردیگی" ایرلی سورولوب.
لبنانین رسمی خبر آژانسی ننا-نین خبرینه گؤره، اوردو بیرلیکلری بیرلشمیش میللتلر تشکیلاتینین لبنان موقتی باریش گوجونون کوردیناسیونو ایله ایسرائیلین گئری چکیلمهیه باشلادیغی جنوبداکی خیام شهری اطرافیندا ۵ نقطهیه یئرلشدیریلیب.
بئله کی، لبنان اوردوسو نویابرین ۲۷-ده آتیشکس اعلان ائدیلدیکدن سونرا ایسرائیل اوردوسونون ایلک دفعه گئری چکیلدیگی بؤلگهیه یئرلشدیریلمهیه باشلاییب.
لبنان اوردوسو خالقی اراضییه یاخینلاشماماغا و اوردونون گؤستریشلرینه عمل ائتمهیه چاغیریب.
