سوریهنین کئچید ناظیرینین قاچقینلاری «قاییتماغا» چاغیریشی
محمد البشیر بیان ائدیب کی، اونلارین بیرینجی مقصدی اؤلکهنین بوتون شهرلرینده تهلوکهسیزلیک و ثابیتلیین تامین ائدیلمهسی، ایکینجی هدفلرینین ایسه خاریجدکی میلیونلارلا سوریهلی قاچقینلارین گئری قایتاریلماسینی تامین ائتمکدیر.
سوریهده بعث رئژیمینین دئوریلمهسیندن سونرا قورولان موقتی حکومتینین باش ناظیری محمد البشیر بیان ائدیب کی، اونلارین بیرینجی مقصدی اؤلکهنین بوتون شهرلرینده تهلوکهسیزلیک و ثابیتلیین تامین ائدیلمهسی، ایکینجی هدفلرینین ایسه خاریجدکی میلیونلارلا سوریهلی قاچقینلارین گئری قایتاریلماسینی تامین ائتمکدیر.
ایتالیانین "کوریر دلا سرا" قزئتینه دانیشان بشیر، "یالنیز ۲۰۲۵-جی ایلین مارس آیینا قدر (حاکمیتده) قالاجاغیق" دئیه وورغولایاراق علاوه ائدیب: "بورج بؤیوکدور، چتینلیکلر بؤیوکدور، لاکین اوغورلو ایدلیب تجروبهمیز وار. طبیعی کی، بو شهر و یا اؤلکه دئییل، اما بیز بونو ائده بیلریک» دئدی.
سون ایللرده چوخلو سوریهلینین ظلمه معروض قالدیغینا دیقت چکن بشیر، قتل عاملارا گؤره مسئولیت داشییانلارین آرتیق بین الخالق و غیری-حکومت تشکیلاتلاری طرفیندن سندلشدیریلدیگینی و سوریهده مؤوجود قانونلارا اویغون اولاراق موحاکیمه اولوناجاقلارینی قئید ائدیب.
مقصدلری ایله باغلی سوالا بشیر، «بیرینجی مقصدیمیز سوریهنین بوتون شهرلرینده تهلوکهسیزلیک و ثابتلیگی برپا ائتمکدیر. اینسانلار حاقسیزلیقدان، ظلمدن یورولوب. دؤولتین صلاحیتی ایمکان وئرمهلیدیر کی، اینسانلار اؤز ایشلرینه، نورمال حیاتا قاییتسینلار. ایکینجی هدفیمیز میلیونلارلا سوریهلی قاچقینین گئری قاییتماسینی تامین ائتمکدیر. اونلارین تجروبهلری و اینسان سرمایهسی اؤلکهنی اینکیشاف ائتدیرهجک. خاریجدکی بوتون سوریهلیلاره چاغیریشیم بودور؛ سوریه ایندی اؤز غورورونو و شرفینی قازانمیش آزاد بیر اؤلکهدیر. گئری قاییت. بیز یئنیدن قورمالیییق، یئنیدن دوغولمالیییق، هامینین کمکینه احتیاجیمیز وار» قیمتلندیرمهسینی ائتدی.
بشیر اوچونجو مقصدلرینین الئکتریک، سو و چؤرک کیمی اساس خیدمتلری تامین ائتمک اولدوغونو بیلدیردی.
بازار گونو اؤلکهده ۶۱ ایللیک بعث رئژیمی سوقوط ائتدی و دئوریلمیش لیدئر بشار اسد خاریجه قاچدی.
