حماس میصره بوراخیلاجاق اسیرلرین لیسته‌سینی تقدیم ائدیب

حماس میصره غزه‌ده آتیشکس راضیلاشماسینین بیرینجی مرحله‌سین‌ده آزاد ائدیله‌جک اسیرلرین لیسته‌سینی تقدیم ائدیب.

قطرده یئرلشن ال عربی تئله کانالینین حماس مقاملارینا اساس‌لانان خبرینه گؤره، حماس و ایسرائیل آراسین‌دا آتیشکس دانیشیقلارین‌دا ایرلیلییش الده اولونوب.

آتیشکس راضیلاشماسینین بیرینجی مرحله‌سین‌ده ایسرائیلین هانسی نقطه و یئرلردن چیخاجاغی ایله باغلی راضی‌لیق الده اولونوب.

خبره گؤره، ایلک مرحله‌ده ایسرائیل رفاه سرحد قاپی‌سی و غزه زولاغی ایله میصر آراسین‌داکی سرحد خطی اولان فیلادئلفی کوریدورونون بعضی یئرلرین‌دن گئری چکیله‌جک.

آتیشکس‌دن بیر هفته کئچدیک‌دن سونرا اسیرلرین آزاد ائدیله‌جگی و ایسرائیلین راضیلاشدیریلمیش دیگر اراضیلردن چیخاجاغی پلانلاشدیریلیر.

راضیلاشمانین بیرینجی مرحله‌سین‌ده آزاد ائدیله‌جک اسیرلرین لیسته‌سینی آلان میصر مقاملاری ایکی گون عرضین‌ده اونو ایسرائیله گؤندره‌جک و ایسرائیل هئیتی ایله دیگر گئری چکیلمه مقاملارینی موذاکیره ائد‌جک.