تورکیه احتیاط تابورونون کوزوویا کئچیدی تاماملانیب

ناتونون کوزووداکی باریش گوجو (KFOR) تورک احتیاط  بیرلیگی کوزوویا چاتدی.

ناتونون کوزووداکی باریش گوجونون یازی‌لی آچیقلاماسیندا احتیاط بیرلیگی‌نین دییشیک‌لیک پلانی چرچیوه‌سینده تعیین اولونان تورکیه احتیاط تابورونون کوزوویا کئچیدی‌نین تاماملاندیغی و بؤلگه‌ده داها اول یئرلشدیریلمیش ایتالیا بیرلیگی‌نین یئرینی آلاجاغی بیلدیریلیب.

آچیقلامادا 65-جی مکانیکلشدیریلمیش پیادا بریقاداسی قوموتانلیغینا باغلی تخمینا 350 نفرلیک شخصی هئیتین کفور بیرلیک‌لری ایله موختلیف فعالیت‌لر حیاتا کئچیرجگی و تهلوکه‌سیزلیک وضعیتینده‌کی دییشیک‌لیک‌لره جاواب اولا‌راق وظیفه لندیریله‌جگی قئید ائدیلیب.

کفور-ون اوزون مدت‌دیر داوام ائدن بیرلشمیش میللت‌لر تشکیلاتی‌نین صلاحیتینه اویغون اولا‌راق پتانسیل گرگین‌لیک ریسک‌لری‌نین قارشی‌سینی آلماق و ایستنیلن تهلوکه‌سیزلیک سناریوسو ایله موباریزه آپارماق اوچون یاخشی حاضیرلیق‌لی وضعیتده اولدوغو وورغولانیب. تهلوکه‌سیزلیک و ثابت‌لیگی تامین ائتمک مقصدیله بیرلشمیش میللت‌لر تشکیلاتی تهلوکه‌سیزلیک شوراسی‌نین قرارینا اساساً 12 ژوئن 1999-جو ایلده کوزوودا فعالیته باشلایان بو قوه‌لرده ناتو-یا عضو و یا اولمایان 29 اؤلکه‌دن تخمینن 4500 حربی پرسنل خیدمت ائدیر.

تورک عسگرلری 1999-جو ایلدن بری بو چرچیوه‌سینده کوزوودا خیدمت گؤستریر. کفور سون دؤورلرده اؤلکه‌نین شیمالیندا باش وئرن گرگین‌لیک‌لر فونوندا بؤلگه‌دکی وارلیغینی و گشت فعالیت‌لرینی آرتیرمیش‌دیر.