پسکوو: "پرزیدنتین ایجازهسی اولمادان بئله قرارلار وئریلمیر"
دمیتری پسکوو سوریهدهکی سون حادثهلری پایتاخت موسکوادا ژورنالیستلرله دگرلندیریب.
کرملین مطبوعات کاتیبی دمیتری پسکوو سوریهده ادا چؤکموش بعث حاکمیتینین دئوریلمیش لیدئری بشار اسد و اونون عائلهسینه سیغیناجاق وئریلمهسی قرارینین روسیا پرزیدنتی ولادیمیر پوتینه عاید اولدوغونو بیلدیریب.
دمیتری پسکوو سوریهدهکی سون حادثهلری پایتاخت موسکوادا ژورنالیستلرله دگرلندیریب.
روسیانین اسد و عائلهسینه سیغیناجاق وئرمه قرارینا توخونان پسکوو "پرزیدنتین ایجازهسی اولمادان بئله قرارلار وئریلمیر. بو، اونون قراریدیر" دئییب.
پوتینین اسدله گؤروشمگی پلانلاشدیرمادیغینی دئین پسکوو اسدین هارادا اولدوغو بارهده معلومات وئرمک ایستمهییب.
روسیانین سوریهدهکی حمیمیم و طرطوس حربی بازالارینین وضعیتینه ده توخونان پسکوو "هر حالدا بو، سوریهده حاکمیتده اولاجاق شخصلرله مصلحتلشمهیه احتیاجی اولان بیر مسئلهدیر. ایندی دییشیکلیک دؤورو و حدیندن آرتیق غیری-ثابتلیک داوام ائدیر. بونا گؤره ده واختا و جدی مصلحتلشمهلره احتیاج وار" دئییب.
روسیا سؤزچوسو سؤزوگئدن بازالارین تهلوکهسیزلیگینین تامین ائدیلمهسی اوچون لازیمی آددیملارین آتیلدیغینی دا بیلدیریب.
روسیا، تورکیه و ایرانین سوریه مسئلهسی ایله باغلی یاراتدیغی آستانا فورماتینی دگرلندیرن پسکوو دئییب:
"بو فورمات اؤز مقصدینی ایتیریب. دیگر طرفدن، سؤزوگئدن اؤلکهلر آراسیندا فیکیر موبادیلهسی و سیاسی مصلحتلشمهلر مکانیزمی کیمی همیشه قوهده قالیر. بو و یا دیگر شکیلده بو مصلحتلشمهلر طبیعی کی، داوام ائدهجک".
دمیتری پسکوو سوریهدهکی وضعیتله باغلی تورکیه و دیگر بولگه اؤلکهلری ایله قارشیلیقلی علاقهده اولدوقلارینی دا بیلدیریب.
ایلگیلیلی خبرلر
ایراندا ایکی عالی محکمه حاکیمی رازینی و مقیسه سیلاحلی هوجوم نتیجهسینده اؤلدورولدولر
حادیثهدن سونرا تجاووزکارین اؤزونه آتش آچاراق اینتیحار ائتدییی بیلدیریلیب
