پ.کا.کا/ی.پ.گ-نین ایشغالی آلتیندا اولان منبج رایونو خلاص ائدیلیب
سوریه میللی اوردوسو (سمو) امریکانین دستکلدیگی بؤلوجو ترور تشکیلاتی پ.کا.کا/ی.پ.گ-نین ایشغالی آلتیندا اولان منبج منطقهسینی آزاد ائدیب.
سوریه میللی اوردوسو (سمو) امریکانین دستکلدیگی بؤلوجو ترور تشکیلاتی پ.کا.کا/ی.پ.گ-نین ایشغالی آلتیندا اولان منبج منطقهسینی آزاد ائدیب.
عملیات چرچیوهسینده منبجین باتی سینداکی اوریم قصبهسی و شیمالداکی ام دادات کندینی تروردان تمیزلهین و قصبهنین شیمال و باتی خطیندن داخیل اولان سوریه میللی اوردوسو بولگهیه نظارتی اله کئچیریب.
بئلهلیکله، حربی موخالیفلر فرات چایینین باتی سینداکی ان بؤیوک ترور یوواسینی خلاص ائدیبلر.
بولگه اراضیسینده مین و تلهلره قارشی آختاریش و یوخلاما ایشلری آپاریلیر.
بو بارهده سوریهنین موقتی حکومتینین باشچیسی عبدالرحمن مصطفی بیلدیریب
مصطفی سوریه تورپاقلارینین آزاد ائدیلمهسینی باشا چاتدیرماغا، خالقین آزادلیق و لیاقت حسرتینی رئاللاشدیرماغا چاغیریب.
قئید ائدک کی، دسامبرین 1-ده باشلایان عملیاتین ایلک گونونده تل رفعت منطقه مرکزی ترور تشکیلاتی پ.کا.کا/ی.پ.گ-دن آزاد ائدیلیب.
پ.کا.کا/ی.پ.گ 2016-جی ایلین می-آوقوست آیلاری آراسیندا امریکانین دستکی ایله باشلاتدیغی هوجوم نتیجهسینده منبج منطقهسینی اله کئچیریب.
امریکا تورکیهیه ترور تشکیلاتی داعشدن تمیزلندیکدن سونرا بؤلگهنی پ.کا.کا/ی.پ.گ عضولرینین منطقهنی ترک ائدهجکلرینه دایر سؤز وئریب، لاکین بونا عمل ائتمهییب.
روسیا دا 2019-جو ایلین اوکتبریندا "باریش چشمهسی" عملیاتی زامانی تورکیه ایله الده ائتدیگی راضیلاشما ایله ترور تشکیلاتینی منبجدن چیخارماغی عهده سینه گؤتوردو و ترورچولارین گئتدیگینی آچیقلاسا دا، دیگر طرفدن تشکیلاتی ترک ائتمهدی.
پ.کا.کا/ی.پ.گ-نین سوریه-عراق سرحدیندن باشلایاراق سوریهنین باتی سیندا آغ دنیزینه قدر اوزانان ترور دهلیزی آچماق پلانیندا منبج بؤلگهسی مرکزی اهمیت کسب ائدیردی.
تورکیه 2016-جی ایلین آوقوستوندا "فرات قالخانی" عملیاتی ایله عفرین – تل رفعت و منبج آراسیندا بیرباشا علاقهنین قورولماسی حاضیرلیقلارینا ضربه وورموشدو.
