آوروپا بیرلیگی، سوریهنین اراضی بوتوولویونه حؤرمت ائتمهیه چاغیریب
آوروپا بیرلیگی کمسیونونون سؤزچوسو آنورا الانونی آوروپا بیرلیگینین بوتون خاریجی آکتورلاری سوریهنین اگمنلیغینه، بیرلیگینه و اراضی بوتوولویونه حؤرمت ائتمهیه چاغیریب
آوروپا بیرلیگی کمسیونونون سؤزچوسو آنورا الانونی آوروپا بیرلیگینین بوتون خاریجی آکتورلاری سوریهنین اگمنلیغینه، بیرلیگینه و اراضی بوتوولویونه حؤرمت ائتمهیه چاغیریب.
الانونی گوندهلیک مطبوعات کنفرانسیندا ایسرائیلین مودافیعه ناظیری یسرائل کاتزین سوریهدکی حادیثهلری بو اؤلکهدکی ایشغالی ایرلیلتمک اوچون بیر فورصت اولاراق گؤرمهسینه دایر سواللاری بیرباشا جاوابلاندیرماییب.
بونونلا بئله، او، ایسرائیلین سوریهده ثابیتلیگی تامین ائتمک اوچون اؤنملی همصؤحبت اولدوغونو وورغولایاراق، بوتون سوریهلیلرین تهلوکهسیزلیکدن فایدالانماق حقوقونا حؤرمت ائدیلمهلی اولدوغونو بَیان ائدیب.
ایسرائیل مسئوللاری بیلدیریبلر کی، ایسرائیل قووهلری قولان تپلرینده حائل بؤلگهنی گئچهرک ۱۹۷۳-جو ایلدن سونرا ایلک دفعه سوریه اراضیسینه داخیل اولوب.
ایسرائیل ۱۹۶۷-جی ایلدن سوریهنین جولان تپهلرینی ایشغال ائدیب.
حائل و سیلاحسیزلاشدیریلمیش بؤلگهنین سرحدلری ۱۹۷۴-جو ایلده ایسرائیل ایله سوریه آراسیندا ایمضالانان قووهلرین چیخاریلماسی موقاویلهسی ایله معین ائدیلیب.
