سوریهده موخالیفلر سویدا ائلینه گیردی
سویدالی موخالیف قروپلار، دونن رژیم گوجلری ایله ائتدیکلری گؤروشمهده رژیمدن سویدادان گوجلرینی چکمهسینی ایستمیشدی
سوریهده ۲۰۱۱دهکی خالق حرکتلرینین باشلادیغی درعانین ائل مرکزی موخالیفلرین ایدارهسینه گیرمهسینین آردیندان سویدا ائل مرکزی ده موخالیفلرین الینه کئچدی.
سویدالی موخالیف قروپلار، دونن رژیم گوجلری ایله ائتدیکلری گؤروشمهده رژیمدن بو ائلدن گوجلرینی چکمهسینی ایستمیشدی. قروپلار، رژیم گوجلرینه شهردن چیخمالاری اوچون ۲۴ ساعات فرصت تانیمیشدی.
سوریهنین شیمالینداکی حلب ائلینین غرب چؤلونده ۲۷ نوامبردا اسد رژیمی گوجلری ایله رژیم موخالیفی سلاحلی قروپلار آراسیندا چاتیشما باشلامیشدی.
۳۰ نوامبردا حلبین مرکزینین بؤیوک حیصهسینی رژیم گوجلریندن آلان رژیم موخالیفی قروپلار، عینی گون بوتون ادلب داخیلینده حاکمیت تامین ائتمیشدی.
قروپلار، شدتلی چاتیشمالارین آردیندان ۵ دسامبردا حماه شهر مرکزینی رژیم گوجلریندن آلمیشدی.
رژیم موخالیفی قروپلار، پایتاخت دمشقه آچیلان ایستراتژیک اهمیتدهکی حمص ائلینین بعضی مسکونلاشما یئرلرینی اله کئچرهرک بورادا ایرلیلهمهیه باشلامیشدی.
سوریهنین ایردن سرحدیندهکی درعا ائلینده ۶ دسامبردا عملیات باشلادان عسگری موخالیفلر، چاتیشمالارین آردیندان ائل مرکزینی رژیم گوجلریندن گئری آلمیشدی.
سوریه میللی اوردوسونون حلب چؤلونده ۱ دسامبردا ترور تشکیلاتی پکاکا/یپگیه قارشی باشلاتدیغی آزادلیق شفقی عملیاتیندا ایسه تل رفعت ائلچه مرکزی، تروردان قورتاریلمیشدی.
