سوریهنین حماه شهرینین کونترولو رئژیمین مخالیفلرینه کئچدی
سوریهنین حماه شهر مرکزینه نظارت رئژیمه موخالیف سیلاحلی قروپلارین الینه کئچیب.
سوریهنین حماه شهر مرکزینه نظارت رئژیمه موخالیف سیلاحلی قروپلارین الینه کئچیب.
رئژیم موخالیفلری قروپلار حماهنین اوچ محلهسینی اله کئچیرهرک شهر مرکزینین ایچ بؤلوملرینه داخیل اولاراق اورادا نظارتی اله کئچیریبلر.
سوریه اوردوسو رئژیم موخالیفلری قروپلاشمالارین شهره داخیل اولماسیندان سونرا حماهدان گئری چکیلدیگینی و یئنیدن یئرلشدیریلدیگینی آچیقلاییب.
رئژیم موخالیفلری قروپلار پایتاخت دمشقه آچیلان ایستراتئژیک اهمیتلی حمص ویلایتینین راستین و تلبیس منطقه سینی ده اله کئچیریب.
حمصون شیمالینداکی اوجقار اراضیلره ۳ کیلومئتر مسافهده حرکت ائدن رئژیم موخالیفلری قروپلار ایرلیلهمهیه داوام ائدیر.
سوریهده وطنداش ساواشسی باشلایاندان (۲۰۱۱) ایلک دفعه شهر مرکزی تامامیله رئژیم نظارتیندن چیخان حماه ایالتی، چاتیشمالارین گئدیشاتیندا حمص واسطهسیله لاذقیه و پایتاخت دمشقه تأثیر ائتمه پوتانسیئلینه گؤره ایستراتئژیک بیر مؤقعیه مالیکدیر.
حماهنین رئژیم موخالیفلری قروپلارین نظارتینه کئچمهسی ایله پایتاخت دمشقله ایدلیب و حلب آراسیندا علاقه کسیلیب، پایتاختین ده رئژیم موخالیفلری قروپلارین ایرلیلهمهسی ایستیقامتینده اولماسی ایسه داها بؤیوک تهلوکه دئمکدیر.
سوریهده رئژیم قوهلری ایله موخالیف سیلاحلی قروپلار آراسیندا توققوشمالار نویابرین ۲۷-ده حلب ویلایتینین شیمالینداکی غرب چؤلونده باشلاییب.
ایلگیلیلی خبرلر
ایسرائیل حبسخانانین اؤنونده محبوسلارین آزاد ائدیلمهسینی گؤزلَینلره هوجوم ائدیب
ایسرائیل قووهلری ژورنالیستلرین اراضیده چکیلیش آپارماسینا دا مانع اولوب
