حماس: نتانیاهو محبوسلارین اؤلومونه گؤره مسئولیت داشییر
حماس بَیان ائدیب کی، ایسرائیلین باش ناظیری بنیامین نتانیاهونون غزهده آتیشکس راضیلاشماسینا راضیلیق وئرمهمهسی سببیندن اونلارلا ایسرائیللی محبوسون اؤلومونده بیرباشا مسئولیت داشییر
حماس بَیان ائدیب کی، ایسرائیلین باش ناظیری بنیامین نتانیاهونون غزهده آتیشکس راضیلاشماسینا راضیلیق وئرمهمهسی سببیندن اونلارلا ایسرائیللی محبوسون اؤلومونده بیرباشا مسئولیت داشییر.
حماس اؤز دگرلندیرمهسینی ایسرائیلین فوریه آییندا غزه زولاغینین خان یونوس شهرینه هوجوملار زامانی اؤلدویو بیلدیریلن ۶ ایسرائیللی محبوسون تحقیقات نتیجهلرینی آچیقلاماسیندان سونرا ائدیب.
چوخ سایدا ایسرائیللی محبوسون اؤز اوردوسو طرفیندن اؤلدورولمهسینین نتانیاهونون "بو اینسانلاری گوج تطبیق ائدهرک خیلاص ائدهجکلری" نظریهسینین باشاریسیزلیغا اوغرادیغینی تصدیقلهدیگینی ایفاده ائدن حماس، ایسرائیل باسقیسینین محبوسلاری آزاد ائتمهدیگینی، عکسینه اونلاری اؤلدوردویونو بیلدیریب.
حماس، غزهده آتیشکس راضیلاشماسی ایله راضیلاشمایان نتانیاهونون اونلارلا ایسرائیللی محبوسون اؤلومونده بیرباشا مسئولیت داشیدیغینی، غزهده آتیشکس و محبوس موبادیلهسی راضیلاشماسینین آلتئرناتیوینین اولمادیغینی وورغولادی.
دونن ایسرائیل فوریه آییندا غزه زولاغینین خان یونوس شهرینده حیاتا گئچیریلن هوجوملار زامانی اؤلن ۶ ایسرائیللی اسیر ایله باغلی آپاردیغی آراشدیرمانین نتیجهلرینی آچیقلاییب، بو شخصلرین اسیر گؤتورنلر طرفیندن اؤلدورولدویونو ادیعا ائدیب.
حماس دسامبرین ۲-ده وئردیگی آچیقلامادا ۲۰۲۳-جو ایلین اکتبروندان بو یانا غزه زولاغینین موختلیف بؤلگهلرینده ایسرائیل اوردوسونون حیاتا گئچیردیگی هوجوملاردا ۳۳ ایسرائیللی محبوسون حیاتینی ایتیردیگینی آچیقلاییب.
غزهده ۱۰۱ ایسرائیللی محبوسون اولدوغو بیلدیریلیر.
ایسرائیلین ۷ اکتبر ۲۰۲۳-جو ایلدن اعتباراً غزه زولاغیندا حیاتا گئچیردیگی هوجوملاردا تخمینا ۱۷ مین ۴۹۲ اوشاق، ۱۱ مین ۹۷۹ قادین، ۴۴ مین ۵۸۰ فیلیسطینلی حیاتینی ایتیریب، ۱۰۵ مین ۷۳۹ فیلیسطینلی یارالانیب.
