ایسرائیلین لبنان سالدیریلاریندا ۱۰ نفر حیاتینی ایتیریب
نویابرین ۲۷-ده الده اولونان آتیشکسه باخمایاراق ایسرائیل اوردوسونون لبنانین جنوبوندا ایکی بؤلگهیه تشکیل ائتدیگی هاوا سالدیریلاریندا ۱۰ نفر حیاتینی ایتیریب، ۳ نفر یارالانیب.
نویابرین ۲۷-ده الده اولونان آتیشکسه باخمایاراق ایسرائیل اوردوسونون لبنانین جنوبوندا ایکی بؤلگهیه تشکیل ائتدیگی هاوا سالدیریلاریندا ۱۰ نفر حیاتینی ایتیریب، ۳ نفر یارالانیب.
لبنانین ساغلیق ناظیرلیگی دونن ایسرائیل اوردوسونون لبنانین جنوبونداکی حاریص و تالوس بؤلگهلرینده حیاتا کئچیردیگی سالدیریلارین ایلک ساییسی ایله باغلی آچیقلاما وئریب.
آچیقلامایا گؤره، بینت جوبئیلین حاریص بؤلگهسینه ائدیلن سالدیریدا ۶ نفر حیاتینی ایتیریب، ۲ نفر ایسه یارالانیب.
مئرجایونون تالوس بؤلگهسینه ائدیلن سالدیریدا ۴ نفر اؤلوب، ۱ نفر یارالانیب.
ایسرائیل اوردوسونون آتیشکسین ۶-جی گونونده لبنانین جنوبوندا حیاتا کئچیردیگی سالدیریلار نتیجهسینده بیری دؤولت مأمورو اولماقلا ۲ نفر اؤلوب، چوخ سایدا اینسان یارالانیب، اؤلکهنین شیمال-شرقیندهکی هیرمیله اولان سالدیریدا۱ لبنان عسگری ایسه یارالانیب.
ایسرائیلین آتیشکسی پوزدوغونا ایشاره ائدن حزب الله، ایسرائیلین ایشغالی آلتیندا اولان کئفر شوبا تپهلرینین رووئیسات ال-آلئم بؤلگهسینه "خبردارلیق" راکئتی آتیب و راکئتلرین بوش اراضییه دوشدویو آچیقلانیب.
ایسرائیلین باش ناظیر بینیامین نئتانیاهو لبناندا آتیشکس الده اولوندوقدان سونرا ایلک دفعه حزب الله طرفیندن حیاتا کئچیریلن راکئت سالدیریسینا "سرت جواب" وئرهجکلرینی آچیقلاییب، داها سونرا ایسرائیل اوردوسونون لبنانین جنوبونداکی بیر چوخ نقطهیه هاوا سالدیریسی تشکیل ائدیب.
