ایسرائیل اوردوسو لبناندا حیاتا کئچیردیگی سالدیریلارلا آتیشکسی پوزوب
نویابرین ۲۷-ده لبنانلا الده اولونان آتیشکس ایسرائیل اوردوسونون اؤتن گئجه اؤلکهنین جنوبوندا حیاتا کئچیردیگی سالدیریلارلا پوزولوب
نویابرین ۲۷-ده لبنانلا الده اولونان آتیشکس ایسرائیل اوردوسونون اؤتن گئجه اؤلکهنین جنوبوندا حیاتا کئچیردیگی سالدیریلارلا پوزولوب.
لبنانین رسمی آژانسی ننا-نین خبرینه گؤره، ایسرائیل اوردوسو لبنانین جنوبوندا موختلیف بؤلگهلره هاوا سالدیریلاری ائدیب.
ایسرائیل ساواش اوچاقلارینین سالدیریلاری اینسانسیز هاوا آراجلاریلارینین (پوا) کشفیات اوچوشلاری ایله بیرلیکده اولونوب.
ایسرائیلین اینسانسیز هاوا آراجلاریلاری دا پایتاخت بئیروت سماسیندا آلچاقدان اوچوب.
ایسرائیل اوردوسو نویابرین ۲۷-ده الده اولونان آتیشکسه باخمایاراق، دونن لبنانا قارشی سالدیریلارا کئچدیگینی آچیقلاییب.
اوردودان وئریلن یازیلی آچیقلامادا لبنانا قارشی سالدیریلارین باشلادیغی و آیرینتیلارین داها سونرا آچیقلاناجاغی بیلدیریلیب.
نویابرین ۲۷-ده قوهیه مینن آتیشکس راضیلاشماسینین قوهیه مینمهسیندن سونرا ایسرائیل اوردوسو ان آزی ۷۳ آتیشکس پوزونتوسو تؤردیب، نتیجهده ۲ نفر اؤلوب، ۶ نفر یارالانیب.
ایسرائیلین آتیشکسی پوزدوغونا دقت چکن حزب الله، لبنان ایله ایسرائیل آراسیندا آتیشکس راضیلاشماسینین قوهیه مینمهسیندن سونرا ایلک دفعه اولاراق ایسرائیل عسگرلرینی هدفه آلیب و حیاتا کئچیردیگی "خبردارلیق" سالدیریسیندا راکئتلر بوش ساحهیه دوشوب.
دیگر طرفدن لبنانین خاریجی ایشلر ناظیری عبدالله بوحبیب اؤلکهسینین ایسرائیلله آتیشکس راضیلاشماسی ایله باغلی اوزرینه دوشن مسئولیتلری یئرینه یئتیرجگینی ایفاده ائدرک، "ایسرائیلین بوتون لبنان تورپاقلاریندا ایشغالینا سون قویولماقلا ثابتلیک و داواملی باریش الده ائدیله بیلر" دئییب.
