تل رفعت‌ده، قاچان پ‌کاکالی تروریستلرین قازدیغی تونللر اورتایا چیخدی

سوریه‌ده بؤلوجو ترور تشکیلاتی پ‌پ‌کا/ی‌پ‌گ‌نین ایشغالیندان قورتاریلان تل رفعت بؤلگه‌سینده، قاچان تروریستلرین ائولرین آلتیندا اونلارلا تونل قازدیغی اورتایا چیخدی.

سوریه‌لی موخالیفلرین بؤلوجو ترور تشکیلاتی پ‌پ‌کا/ی‌پ‌گ‌یه ایستیقامتلی باشلاتدیغی 'آزادلیق شفقی عملیاتی' ایله تل رفعت ائلچه مرکزینین هامیسی اله کئچریلدی.

تورکیه سرحدینه ۱۸ کیلومتر اوزاقلیقدا ایشتیراک ائد‌ن تل رفعت ائلچه مرکزینی چئوره‌له‌ین ترور تونللرینین تعیین ائدیله بیله‌ن قسیمی ان آز ۳۰ کیلومتر. تونللرین گئنیشلیگی ۱،۵ متره، یوکسکلیگی ایسه ۲-۲،۲ متره چاتیر.

پ‌پ‌کا/ی‌پ‌گ‌‌لی بؤلوجو تروریستلرین ایشغالیندان قورتاریلان تل رفعت‌ده، تروریستلرین ائولرین آلتینا هؤرومچک تورو کیمی قازدیغی تونللری ایلک دفعه تورکیه رادیو تلویزیون تشکیلاتی (ت‌رت) گؤرونتوله‌ی.

ترور تشکیلاتی ی‌پ‌گ‌/پ‌پ‌کا، فوریه ۲۰۱۶دا تل رفعت و اطرافینداکی مسکونلاشما یئرلرینی ایشغال ائتمه‌سینین آردیندان مولکی مسکونلاشما یئرلرینده و جبهه خطلرینده هدف آلینمادان آسانجا حرکت ائده بیلمک اوچون تونل قازماغا باشلامیشدی.

بؤلوجو ترور تشکیلاتی، ایشغالیندا توتدوغو تل رفعت ائلچه‌سینده قازدیغی تونل شبکه‌لریندن گیزله‌نمک، جبهه خطلرینه سلاح داشیماق و موخالیفلرین ایداره‌سینده‌کی مولکی مسکونلاشمالاری هدف آلماق اوچون ایستیفاده ائدیردی.