سوریهده اسد رژیمی موخالیفی سلاحلی قروپلارین ایرلیلهمهسی داوام ائدیر
اسد رژیمی گوجلری ایله ۶ گوندور چاتیشان رژیم موخالیفی قروپلار، حماه ائلی ایستیقامتینده بعضی کیچیک مسکونلاشما یئرلرینی اله کئچردی
سوریهده بشار اسد رژیمی موخالیفی سلاحلی قروپلار، حلب و ادلب ائللرینین آردیندان ایرلیلهدیکلری حماه ائلینده ۱۶ مسکونلاشما بؤلگهسینی داها رژیم گوجلریندن گئری آلدی.
اسد رژیمی گوجلری ایله ۶ گوندور چاتیشان رژیم موخالیفی قروپلار، حماه ائلی ایستیقامتینده بعضی کیچیک مسکونلاشما یئرلرینی اله کئچردی.
حلب شهر مرکزینین بؤیوک حیصهسینی و ادلب ائلینین بوتونونو رژیم گوجلریندن گئری آلان سلاحلی قروپلار، حماهدا دا جلمه، الزکاه، بریدیج، جبین، تل ملح، کرکات، مغیر و مبطین مسکونلاشمالاری ایله غاب دوزنلیینده توینه، حویز، شریعه و باب طاقه کندلرینی کنترل آلتینا آلدی.
رژیم قارشیدی قروپلار آیریجا، حماهین شیمالیندا فان وسطانی، مضبعه، ابو سیف کندلری و صوران ائلچهسینی کنترل آلتینا آلدی.
بو گون ده حماه اطرافیندا کامیکازه داینسانسیز هاوا آراجلاری ایله رژیم اوست سویه باشچیلارینین ییغینجاق مرکزلری هدف آلیندی.
سوریهنین شیمالینداکی حلب ائلینین غرب چؤلونده، ۲۷ نوامبردا، اسد رژیمی گوجلری ایله رژیم قارشیدی سلاحلی قروپلار آراسیندا چاتیشما باشلامیشدی.
۳۰ نوامبردا خان شیخون ائلچهسینی آلاراق بوتون ادلب داخیلینده حاکمیت تامین ائدن سلالی قروپلار، حماه ائلینده ده چاتیشاراق ایرلیلهییشینی داوام ائتدیریر.
سوریه میللی اوردوسونون حلب چؤلونده ۱ دسامبردا بؤلوجو ترور تشکیلاتی پکاکا/یپگیه قارشی باشلاتدیغی آزادلیق شفقی عملیاتیندا ایسه تل رفعت ائلچه مرکزی تروردان قورتاریلدی.
ایلگیلیلی خبرلر
عراق و سوریهنین شیمالیندا 4 ترورچو ضررسیزلشدیریلیب
تورک سلاحلی قوهلری بیر اوغورلو آنتیترور عملیاتی داها کئچیریب.
