ایسرائیللی ناظیر: "آمریکا، لبنان ایله آتیشکس اوچون آلنیمیزا سیلاح دایادی"
ایسرائیلین ایفراطی ساغچی مالیه ناظیری بئزالل اسموتریج دئییب کی، آمریکا حؤکومتی لبناندا آتیشکسه نایل اولماق اوچون ایسرائیل ادارهچیلرینین آلنینا سیلاح دایادیر
ایسرائیلین ایفراطی ساغچی مالیه ناظیری بئزالل اسموتریج دئییب کی، آمریکا حؤکومتی لبناندا آتیشکسه نایل اولماق اوچون ایسرائیل ادارهچیلرینین آلنینا سیلاح دایادیر.
اسموتریج یئرلی رادیویا وئردیگی آچیقلامادا غزهیه ائدیلن هوجوملار و لبناندا الده ائدیلن آتیشکس ایله باغلی دگرلندیرمهلر ائدیب.
غزهده ایسرائیللی محبوسلارین آزاد ائدیلمهسی ایله باغلی راضیلاشمانی دستهکلهدیگینی ایفاده ائدن اسموتریج، "مسئولیتسیز بیر راضیلاشما" ائتمهیهجکلرینی بیلدیریب.
اسموتریج غزهنین دایمی ایشغالینی و اورادا یهودیلرین یئرلشدیریلمهسی اوچون غیر-قانونی قصبهلرین سالینماسینی دستهکلهدیگینی بیلدیریب.
لبناندا الده ائدیلن آتیشکسه ده توخونان اسموتریج، "اجتماعییته (آتیشکس اوچون) آچیقلانان دیپلوماتیک سببلر وار ایدی. آمریکا حؤکومتی آلنیمیزا سیلاح دایادی" دئدی.
نوامبرین ۲۷-ده ایسرائیل و لبنان آراسیندا آتیشکس اعلان ائدیلیب.
